ప్రపంచవ్యాప్తంగా భారతీయులకు కష్టకాలం..!

విదేశాలలో చదువులు, ఉద్యోగాలు, వ్యాపారాల కోసం వెళ్ళే భారతీయులు ప్రస్తుతం తీవ్రమైన సవాళ్లను ఎదుర్కొంటున్నారు. అమెరికాలో ప్రారంభమైన వలస వ్యతిరేకత ప్రపంచవ్యాప్తంగా వ్యాపించింది. కెనడా, ఆస్ట్రేలియా, ఐరోపా దేశాల్లోనూ ఇదే పరిస్థితి కనిపిస్తోంది. స్థానికులకే ఉద్యోగాలు అనే నినాదంతో నిరసనలు జరుగుతున్నాయి. అమెరికాలో ట్రంప్ ప్రభుత్వం అనుసరించిన “అమెరికా ఫస్ట్” విధానం వలస వ్యతిరేకతకు దోహదపడింది. హెచ్-1బి వీసాలు, గ్రీన్ కార్డులపై కఠిన నిబంధనలు భారతీయ నిపుణులను కష్టాలపాలు చేస్తున్నాయి. ఈ పరిణామాలు భారతీయుల ఆర్థిక, సామాజిక భద్రతకు ముప్పుగా ఉన్నాయి. దౌత్యపరంగా కేంద్ర ప్రభుత్వం తగిన చర్యలు తీసుకోకపోవడంపై విమర్శలు వస్తున్నాయి.