Ambergris: ఏంటి..? తిమింగలం వాంతికి అన్ని కోట్లా?
గుజరాత్లోని భావనగర్ జిల్లాలో ఓ రైతు 5 కిలోల అంబర్గ్రీస్ (తిమింగలం వాంతి)ను స్మగ్లింగ్ చేస్తుండగా పోలీసులు అరెస్ట్ చేశారు. అంతర్జాతీయ మార్కెట్లో దీని విలువ 5 కోట్ల రూపాయలకు పైగా ఉంటుందని అధికారులు తెలిపారు. వైల్డ్లైఫ్ ప్రొటెక్షన్ యాక్ట్ ప్రకారం అంబర్గ్రీస్ అమ్మకాలు, కొనుగోలు చట్టవిరుద్ధం.
తిమింగలం వాంతి అంటేనే చాలా మందికి ఆశ్చర్యం. కానీ ఈ వాంతికి కోట్ల రూపాయలు విలువ ఉంటుందని తెలిస్తే మరింత ఆశ్చర్యం కలుగుతుంది. అదే అంబర్గ్రీస్. తాజాగా గుజరాత్లోని భావనగర్ జిల్లా హతాప్ గ్రామానికి చెందిన విపుల్ భూపత్ బాయ్ బంబానియా అనే రైతు ఈ అరుదైన వస్తువును స్మగ్లింగ్ చేస్తుండగా పోలీసులకు చిక్కుకున్నాడు. నాలుగు నెలల క్రితం తీరంలో ఈ అంబర్గ్రీస్ను కనుగొన్న విపుల్, దాని విలువ తెలుసుకుని స్థానికంగా అమ్మే ప్రయత్నం చేశాడు. కానీ, ఎవరూ కొనకపోవడంతో సూరత్కు వెళ్లి సంపన్నులకు అమ్మడానికి ప్రయత్నించాడు. అక్కడ సూరత్ స్పెషల్ ఆపరేషన్ గ్రూప్ అధికారులు అతన్ని అదుపులోకి తీసుకున్నారు. అతని నుండి 5 కిలోల అంబర్గ్రీస్ను స్వాధీనం చేసుకున్నారు. అంతర్జాతీయ మార్కెట్లో దీని విలువ 5 కోట్ల రూపాయలకు పైగా ఉంటుందని అధికారులు అంచనా వేశారు. అంబర్గ్రీస్, స్పెర్మ్ తిమింగలాల జీర్ణవ్యవస్థలో ఉత్పత్తి అవుతుంది. ఇది చాలా అరుదుగా లభిస్తుంది, అందుకే దానికి అంతటి విలువ. ఖరీదైన పరిమళ ద్రవ్యాల తయారీలో దీన్ని ఉపయోగిస్తారు. అందుకే దీనికి భారీ డిమాండ్ ఉంటుంది. కానీ, 1972 వైల్డ్లైఫ్ ప్రొటెక్షన్ యాక్ట్ ప్రకారం, అంబర్గ్రీస్ అమ్మకాలు, కొనుగోలు చట్టవిరుద్ధం. విపుల్కు జైలు శిక్ష పడే అవకాశం ఉంది. ఈ సంఘటన, వన్యప్రాణి సంరక్షణ చట్టాలను ఉల్లంఘించేవారికి గట్టి హెచ్చరికగా నిలుస్తుంది.
పిల్లలు లేరని భార్యను వేధించాడు.. అంతే.. భర్తను కత్తితో పొడిచి..
పుష్ప సినిమాకు మించిన స్కెచ్.. మామూలుగా లేదుగా!
వరదకు కొట్టుకొచ్చిన 23 కేజీల బాహుబలి చేప..
నాగుల చవితి పర్వదినాన ఆలయంలో అద్భుతం..
బాసర ట్రిపుల్ ఐటీలో మురుగునీటి కలకలం..చర్మవ్యాధులతో విద్యార్థులు
ఇంటి కిటికీకి చుట్టుకుని కూర్చున్న భారీ కొండచిలువ..!
బంగాళాఖాతంలో మళ్లీ అలజడి..ఏపీకి మళ్లీ తుఫాన్ ముప్పు..

