శ్రీలీల కెరీర్ ఎక్కడ గాడి తప్పుతోంది
శ్రీలీల కెరీర్కి సరైన గైడెన్స్ లేదా..? వరసగా సినిమాలు చేస్తే చాలు.. కథ అవసరం లేదనుకుంటున్నారా..? కాంబినేషన్ బాగుండి.. రెమ్యునరేషన్ ఇస్తే చాలా..? ఈ మధ్య శ్రీలీల ఓకే చేసిన సినిమాలు చూస్తే కెరీర్ డేంజర్ జోన్ వైపు వెళ్తుందని ఇట్టే అర్థమైపోతుంది. అసలు కథల విషయంలో శ్రీలీల ఎందుకు కేర్ తీసుకోవట్లేదు..? తప్పెక్కడ జరుగుతుంది..? నిజంగానే ఈ పాట శ్రీలీల కెరీర్కు బాగా సూట్ అవుతుందిప్పుడు.
ఆమె సినిమాలను చూసాక ఫ్యాన్స్ కూడా ఇదే అడుగుతున్నారు.. మీ కెరీర్కు వాట్స్ హ్యాపెనింగ్ అని..! అదేదో రెమ్యునరేషన్ కోసమే సినిమాలు చేస్తున్నారేమో అనిపిస్తుంది ఈ మధ్య శ్రీలీల కెరీర్ చూస్తుంటే..! భగవంత్ కేసరి మినహాయిస్తే.. ఒక్కటంటే ఒక్క సినిమాలోనూ ఇంపార్టెన్స్ ఉన్న పాత్ర చేయలేదు ఈ బ్యూటీ. శ్రీలీల సినిమాలో ఉన్నారంటే.. మూడు పాటలు.. అందులో డాన్స్ అన్నట్లు మారిపోయింది పరిస్థితి. కేవలం డాన్స్ కోసమే ఆమెను తీసుకుంటున్నారేమో అనిపిస్తుంది. స్కంద, ఆదికేశవ, ఎక్స్ట్రా ఆర్డినరీ మ్యాన్, రాబిన్హుడ్.. మొన్న జూనియర్.. వీటిలో ఏ సినిమా కూడా శ్రీలీల కెరీర్కు ఉపయోగపడలేదు. పైగా ఎందుకిలాంటి రోల్స్ అనే క్వశ్చన్ కూడా వస్తుంది. చేసిన 9 సినిమాల్లో.. పెళ్లి సందడి, ధమాకా, భగవంత్ కేసరి మాత్రమే హిట్టు.. గుంటూరు కారం పర్లేదనిపించింది. మిగిలినవన్నీ ఫ్లాపే. గ్యాప్ తీసుకున్నా పర్లేదు గానీ మంచి సినిమాలు చేయమంటున్నారు ఫ్యాన్స్. ప్రస్తుతం తెలుగులో ఉస్తాద్, మాస్ జాతర సినిమాలతో బిజీగా ఉన్నారు శ్రీలీల. వీటిపైనే ఈ భామ ఆశలన్నీ ఉన్నాయి. శివకార్తికేయన్ హీరోగా సుధా కొంగర తెరకెక్కిస్తున్న పరాశక్తితో తమిళంలోకి.. కార్తిక్ ఆర్యన్ సినిమాతో హిందీలోకి ఎంట్రీ ఇస్తున్నారు శ్రీలీల. ఈ రెండు సినిమాలు హిట్టైతే.. శ్రీలీల పక్క ఇండస్ట్రీల్లోనూ పాగా వేయడం ఖాయం. కానీ ఇప్పటికైనా కథల విషయంలో కేర్ తీసుకుంటేనే.. కెరీర్ గాడిన పడుతుంది. లేదంటే డేంజర్ జోన్లోకి వెళ్లడం పక్కా.
మరిన్ని వీడియోల కోసం ఇక్కడ క్లిక్ చేయండి
Also Watch:
సీక్వెల్స్ బాట పడుతున్న సీనియర్ హీరో
వెంకన్నకు విరాళాల వెల్లువ..11 నెలల్లో రూ.918 కోట్లు
స్ట్రాంగ్ కమ్ బ్యాక్ ఇస్తున్న 30 ప్లస్ బ్యూటీస్
Prabhas: చిన్నప్పటి నుంచి మనోడికో చెడ్డ అలవాటు ఉంది | ప్రభాస్తో ఎవ్వరూ చేయని సాహసం