Rajinikanth: మిత్రుడైనా.. రెమ్యునరేషన్లో నో కాంప్రమైజ్‌ గురూ..!

రజనీకాంత్ – కమల్ హాసన్! భారతీయ సినిమా చరిత్రలోనే తమ కంటూ గొప్ప స్థానం సంపాదించుకున్న వారు.! ఈ ఇద్దరూ దాదాపు ఐదు దశాబ్దాలుగా తమిళ చిత్ర పరిశ్రమను ఏలుతున్నారు. తమ యాక్టింగ్‌తో కోట్లాది మంది అభిమానులను సొంతం చేసుకున్నారు. ఇక ఈ ఇద్దరు స్టార్ హీరోలు కలిసి ఎన్నో సినిమాల్లోనూ నటించారు. దాదాపు 20కు పైగా సినిమాల్లో స్క్రీన్ షేర్ చేసుకున్నారు. ఇప్పుడు మళ్లీ సుమారు 35 సంవత్సరాల తర్వాత ఒక సినిమాలో కలిసి యాక్ట్ చేస్తున్నారు రజనీ, కమల్. ఈ మల్టీ స్టారర్ సినిమాను స్వయంగా కమల్ హాసన్ నిర్మిస్తున్నారు. ఇక ఈ క్రమంలోన ఈ మూవీని నెల్సన్ డైరెక్ట్‌ చేయబోతున్నారని లేటెస్ట్‌గా ఓ న్యూస్ వినిపిస్తోంది. ఇందుకో సం రజినీ భారీగానే డబ్బులు తీసుకుంటున్నట్టుగా కూడా మరో టాక్ కోలీవుడ్‌లో వైరల్ అవుతోంది. నెల్సన్ దిలీప్‌ కుమార్ ప్రస్తుతం ‘జైలర్ 2’ సినిమాతో బిజీగా ఉన్నారు. దీని తర్వాతనే ఆయన కమల్- రజనీల ప్రాజెక్టును పట్టాలెక్కించనున్నట్లు తెలుస్తోంది. రజనీకాంత్, కమల్ హాసన్ ఇద్దరికీ సమాన ప్రాధాన్యం ఉండేలా నెల్సన్ కథను సిద్ధం చేసినట్లు తెలుస్తోంది. ఇదిలా ఉంటే ఈ మెగా ప్రాజెక్ట్ కోసం రజనీకాంత్ తీసుకుంటోన్న పారితోషికంపై ఇప్పటికే పెద్ద చర్చ జరుగుతోంది. ఈ సినిమా కోసం రజనీకాంత్ 225 కోట్ల రూపాయల భారీ పారితోషికం తీసుకోనున్నట్లు తెలుస్తోంది. స్నేహితుడు, నిర్మాత కమల్ హాసన్ కూడా రజనీకి ఈ రేంజ్ రెమ్యునరేషన్ ఇచ్చేందుకు రెడీ అయ్యారని కోలీవుడ్ లో టాక్ నడుస్తోంది.

మరిన్ని వీడియోల కోసం ఇక్కడ క్లిక్ చేయండి

Also Watch:

Nagarjuna: ‘ధురంధర్’లో విలర్‌ ఛాన్స్ మిస్‌ !! నాగార్జున రియాక్షన్