గడువు దాటితే.. లైసెన్స్ రద్దే!
డ్రైవింగ్ లైసెన్స్లో మొబైల్ నంబర్ వివరాలు సరిగ్గా ఉన్నాయో లేదో వాహనదారులు చెక్ చేసుకోవాలి. కేంద్ర రవాణా శాఖకు చెందిన Parivahan పోర్టల్లో మొబైల్ నంబర్ను ఆన్లైన్లోనే అప్డేట్ చేసుకునే సదుపాయం ఉంది. ఇందుకోసం Sarathi సేవలను ఉపయోగించవచ్చు. కొత్త నంబర్కు వచ్చే OTP ద్వారా ప్రక్రియ పూర్తి చేయొచ్చు. అయితే సెప్టెంబర్ 25లోపు అప్డేట్ చేయకపోతే లైసెన్స్ రద్దవుతుందనే ప్రచారానికి అధికారిక ధృవీకరణ కనిపించలేదు.
వాహనదారులకు ఇది చాలా ముఖ్యమైన గమనిక! మీ డ్రైవింగ్ లైసెన్స్లో మొబైల్ నంబర్ అప్డేట్ చేయకపోతే మీకు చిక్కులు తప్పవు. ట్రాఫిక్ పోలీసులు తనిఖీలు చేసినప్పుడు లైసెన్స్కు సంబంధించిన వివరాలు, ఫోటో లేదా మొబైల్ నంబర్ అప్డేట్గా లేకపోతే ఇబ్బందులు తప్పవు. ఈ నేపథ్యంలో డ్రైవింగ్ లైసెన్స్లో మొబైల్ నంబర్ అనుసంధానం చేయడానికి కేంద్ర ప్రభుత్వం సెప్టెంబర్ 25 వరకు చివరి గడువు విధించింది. ఆ తేదీలోగా ఈ పని పూర్తి చేయకపోతే లైసెన్స్ రద్దయ్యే అవకాశం ఉందనే వార్తలు చక్కర్లు కొడుతున్నాయి. దీనికోసం మీరు ఎక్కడికీ వెళ్లాల్సిన పనిలేదు, ఇంటి నుంచే ఆన్లైన్లో మీ మొబైల్ నంబర్ను అప్డేట్ చేసుకోవచ్చు. ముందుగా ‘సారథి పరివాహన్’ (Sarathi Parivahan) అనే అధికారిక వెబ్సైట్లోకి వెళ్లి, మీ రాష్ట్రం ఎంచుకోవాలి. అక్కడ ‘అప్డేట్ మొబైల్ నంబర్’ ఆప్షన్ను సెలెక్ట్ చేసి, మీ డ్రైవింగ్ లైసెన్స్ వివరాలు నమోదు చేయాలి. ఆ తర్వాత మీ కొత్త నంబర్కు వచ్చే ఓటీపీ (OTP) ఎంటర్ చేస్తే అప్డేట్ ప్రక్రియ విజయవంతంగా పూర్తవుతుంది. మీ లైసెన్స్లో నంబర్ ఉందో లేదో కూడా ఇదే వెబ్సైట్లో చెక్ చేసుకోవచ్చు. కాబట్టి గడువు ముగిసేలోపు ఈ చిన్న పని పూర్తి చేసి సమస్యల నుంచి బయటపడండి.
మరిన్ని వీడియోల కోసం ఇక్కడ క్లిక్ చేయండి
Also Watch:
ఒక్క కాగితం.. స్మృతి మంధాన జీవితాన్నే మార్చేసింది
ముంబై వీధుల్లో బిచ్చమెత్తుకుంటున్న ఎమ్మెల్యే.. ఏం జరిగిందంటే