Blood Moon : గ్రహణ ప్రభావం మన జీర్ణ వ్యవస్థపై ప్రభావం ఉంటుందా?

గ్రహణం సమయంలో ఆహారం తినకూడదనేది ఒక పురాతన నమ్మకం. పెద్దలు చిన్నప్పటి నుంచి ఈ విషయాన్ని చెబుతుంటారు. కానీ, శాస్త్రీయంగా చూస్తే గ్రహణాలకు మన జీర్ణ వ్యవస్థకు ఎటువంటి సంబంధం లేదు. సూర్యకాంతి ప్రభావం జీర్ణక్రియపై పడుతుందనేది నిజమే అయినా, గ్రహణం సమయంలో ఈ ప్రభావం గణనీయంగా మారుతుందని లేదా జీర్ణక్రియను ప్రభావితం చేస్తుందని ఎటువంటి ఆధారాలు లేవు. జన విజ్ఞాన వేదిక వంటి సంస్థలు గ్రహణ సమయంలో ప్రజలకు భోజనం అందించడం ద్వారా ఈ మూఢనమ్మకాన్ని తొలగించడానికి ప్రయత్నిస్తున్నాయి. ప్రెగ్నెంట్ మహిళలకు కూడా ఇబ్బందులు లేవని రుజువు చేయడానికి ఇటువంటి కార్యక్రమాలు నిర్వహిస్తున్నారు. కాబట్టి, గ్రహణం సమయంలో సాధారణంగా ఆహారం తీసుకోవడంలో ఎటువంటి సమస్య లేదు.