స్క్రీన్‌ సేవర్ కాదు..నిజంగా పామే!

అమెరికాలోని కన్సాస్‌లో ఓ మహిళకు భయానక సంఘటన ఎదురయ్యింది. గర్డనర్‌లోని మినిట్ మార్ట్ గ్యాస్ పంప్‌ స్టేషన్‌కు వెళ్లిన ఓ మహిళ కారులో ప్యూయల్ లోడ్ చేస్తుండగా టచ్ స్క్రీన్‌లో పాము పాకుతూ పైకెళ్లడం కనిపించింది.

తొలుత ఆమె స్క్రీన్ సేవర్ అనుకుంది. కానీ, టచ్ స్క్రీన్‌కు, అద్దానికి మధ్య కష్టంగా పాకడం చూసి నిజమైన పాముని నిర్ధరించుకుంది. దాన్ని వీడియో తీసి గ్యాస్ పంప్ స్టేషన్ నిర్వాహకులకు సమాచారం ఇచ్చింది. తన మొబైల్‌లో రికార్డు చేసిన వీడియోను వారికి చూపించింది. దీంతో పామును అందులో నుంచి బయటకు తీసి అడవుల్లో వదిలిపెట్టారు.