బాబోయ్! చెవిలో విష సాలీడు!

చెవిలో నీరు వెళ్లిన శబ్దం వస్తుందా? అయితే లైట్ తీసుకోకండి. మీ చెవిలోకి ఏదో ఒక కీటకం వెళ్లి ఉండవచ్చు. అందుకు తాజా సంఘటనే ఉదాహరణ.  ఉదయం లేచిన వెంటనే చెవిలో ఏదో శబ్దం వస్తోందని అమెరికాలోని ఓ మహిళా ఆస్పత్రికి వెళ్లింది. తీరా చికిత్స చేసిన వైద్యులు ఆమె చెవి నుంచి ఒక విషపూరితమైన సాలీడును బయటికి తీసేసరికి షాక్‌కి గురైంది

. వివరాల్లోకి వెళ్తే.. అమెరికాలోని కాన్సస్‌ నగరానికి చెందిన సుసీ టారెస్‌ అనే మహిళకు ఉదయం లేవగానే తన ఎడమ చెవిలో ఏవో నీరు వెళ్లినప్పుడు వచ్చే శబ్దాలు వినిపించాయట. దీంతో ఆమె ఏదైనా అలర్జీ సోకిందేమో అనుకుని ఆస్పత్రికి వెళ్లారు. అయితే అక్కడ ఆమె చెవిని పరీక్షించిన వైద్యులు చెవిలో ఏదో కీటకాలు ఉన్నట్లు గుర్తించారు. అనంతరం చికిత్స చేసి ఆమె చెవి నుంచి ఒక విష పూరితమైన సాలీడును బయటకు తీశారు. సో బీ కేర్ ఫుల్ అండి.