Viral Video: ఏం తెలివి తల్లీ.! ఈ బుడ్డదానికి బద్దకరత్న అవార్డు ఇచ్చినా తప్పులేదు..

ప్రతీరోజూ రకరకాల వైరల్ వీడియోలు ఇంటర్నెట్‌లో తెగ చక్కర్లు కొడుతుంటాయి. వాటిల్లో కొన్ని ఫన్నీగా ఉంటే.. మరికొన్ని భయం తెప్పిస్తాయి. ఇంకొన్నయితే మనల్ని ఆశ్చర్యపరుస్తాయి. తాజాగా అలాంటి కోవకు చెందిన ఓ వీడియో నెట్టింట హల్చల్ చేస్తోంది. ఆ వీడియో చూశాక.. మీరు కూడా ఆ చిన్నారికి బద్దకరత్న అవార్డు తప్పకుండా ఇస్తారు. మరి లేట్ ఎందుకు చూసేద్దాం పదండి..

వైరల్ వీడియో ప్రకారం.. ఓ చిన్నారి తన బెడ్‌పై ఇంచక్కా పడుకుని మొబైల్ ఆపరేట్ చేస్తున్నట్లు మీరు చూడవచ్చు. ఆమె ఓ దిండును తన తల కింద పెట్టుకుని.. మరో దిండును మోకాళ్లపై పెట్టుకుని.. దానిపై ఓ మొబైల్ పెట్టుకుంది. ఆ తర్వాత ఆ ఫోన్‌ను తన చేతులతో తాకకుండానే ఆపరేట్ చేస్తోంది. చాలా తెలివిగా బుర్రకు పదునుపెట్టి తన నోట్లో ఉన్న ప్లాస్టిక్ బూర సాయంతో ఆ మొబైల్ ఆపరేటింగ్ చేసింది ఈ బుడ్డది. ప్రస్తుతం ఇందుకు సంబంధించిన విజువల్స్ సామాజిక మాధ్యమాల్లో వైరల్ అవుతోంది. ఇప్పటివరకు దీనికి 22 మిలియన్ల వ్యూస్ రాగా, లక్షా 84 వేల లైకులు వచ్చాయి. కాగా, ఈ వీడియోపై నెటిజన్లు వరుసపెట్టి కామెంట్స్‌తో హోరెత్తిస్తున్నారు. ‘ఏం తెలివే తల్లీ.!’ అంటూ కొందరు ఆ చిన్నారిని ప్రశంసిస్తుండగా.. ‘ఈ బుడ్డదానికి బద్దకరత్న అవార్డు ఇచ్చినా తప్పులేదు’ అని మరొకరు కామెంట్ పెట్టారు.

pic.twitter.com/7Q3Ceh3ZmE

— Out of Context Human Race (@NoContextHumans) June 15, 2023