వామ్మో.. పెళ్లిలో ఇదేం డ్యాన్స్ రా బాబోయ్! వింత ఆచారమా, సంప్రదాయమా? చూస్తే నవ్వు ఆపుకోలేరు!

పెళ్లిళ్లలో ఎన్నో రకాల డాన్సులు, వినోద కార్యక్రమాలు చూస్తుంటాం. కానీ ఒక బెంగాలీ వివాహ వేడుకలో చోటుచేసుకున్న వినూత్న డాన్స్ మాత్రం ప్రస్తుతం సోషల్ మీడియాలో అందరి దృష్టిని ఆకర్షిస్తోంది. సాధారణంగా పెళ్లిళ్లలో వధూవరులు కలిసి డ్యాన్స్ చేయడం చూస్తుంటాం. అయితే ఈ వీడియోలో మాత్రం ఇద్దరు మహిళలు వధూవరులను తమ ఒడిలో కూర్చోబెట్టుకుని గుండ్రంగా తిరుగుతూ డ్యాన్స్ చేయడం విశేషం. ఈ వింత దృశ్యం చూసిన నెటిజన్లు నవ్వులు పూయిస్తున్నారు.

అసలు వీడియోలో ఏముంది?

@sadiaislamparvin అనే ఇన్‌స్టాగ్రామ్ ఖాతా నుంచి షేర్ అయిన ఈ వీడియోలో ఓ వివాహ వేడుక కనిపిస్తుంది. చుట్టూ బంధువులు, అతిథులు గుమిగూడి ఉండగా, డప్పుల మోత మధ్య ఇద్దరు మహిళలు ప్రత్యేక ప్రదర్శన ఇస్తున్నారు. వారిలో ఒకరు ఎరుపు, గులాబీ రంగుల చీర ధరించి, తలపై ఎరుపు చున్నీ కప్పుకున్న వధువును తన ఒడిలో కూర్చోబెట్టుకున్నారు. మరో మహిళ బంగారు రంగు కుర్తా ధరించిన వరుడిని తన ఒడిలో కూర్చోబెట్టుకుంది. ఆ తర్వాత ఇద్దరూ వధూవరులను జాగ్రత్తగా పట్టుకుని గుండ్రంగా తిరుగుతూ ఉత్సాహంగా డాన్స్ చేశారు. నేలంతా పూల రేకులతో నిండిపోయి ఉండగా, చుట్టూ ఉన్న పిల్లలు, పెద్దలు ఈ వినూత్న ప్రదర్శనను చూసి పగలబడి నవ్వారు. పెళ్లి వేడుకలో ఈ సన్నివేశం ప్రత్యేక ఆకర్షణగా నిలిచింది.

ఇది ఏ సంప్రదాయం? నెటిజన్ల చర్చ

వీడియో వైరల్ కావడంతో ఇది ఏ ప్రాంతానికి చెందిన ఆచారం అనే చర్చ మొదలైంది. కొందరు దీనిని బెంగాలీ వివాహ సంప్రదాయంగా పేర్కొంటుండగా, మరికొందరు సంతాల్ గిరిజన సమాజానికి చెందిన ఆచారమని కామెంట్లు చేస్తున్నారు. ఇక నెటిజన్లు మాత్రం తమదైన శైలిలో సరదా కామెంట్లు చేస్తున్నారు. “పెళ్లికొడుకు ఇప్పుడే పెళ్లి చేసుకున్నందుకు పశ్చాత్తాపపడుతున్నాడేమో!”, “వధూవరులు ఇంకాస్త బరువుగా ఉంటే పరిస్థితి ఏంటి?” అంటూ నవ్వులు పూయిస్తున్నారు. మహిళలు ఇద్దరూ అంతటి బరువును మోస్తూ సులభంగా డ్యాన్స్ చేయడంపై పలువురు ప్రశంసలు కురిపిస్తున్నారు. మరికొందరు తమ స్నేహితులను ట్యాగ్ చేస్తూ, “మా పెళ్లిలో కూడా ఇలాంటి డ్యాన్స్ చేయించుకోవాలి” అంటూ కామెంట్లు పెడుతున్నారు.

ఎందుకు ఇంత వైరల్ అవుతోంది?

సాధారణ పెళ్లి వేడుకలకు భిన్నంగా కనిపించే ఈ వీడియోలో సంప్రదాయం, వినోదం, కుటుంబ సభ్యుల ఆనందం కలగలిసి ఉన్నాయి. ఆధునిక పెళ్లిళ్లలో డీజేలు, ప్రత్యేక ఫోటోషూట్లు హైలైట్ అవుతున్న సమయంలో, ఇలాంటి వినూత్న వేడుకలు నెటిజన్లకు కొత్త అనుభూతిని అందిస్తున్నాయి. అందుకే ఈ వీడియో సోషల్ మీడియాలో వేగంగా వైరల్ అవుతూ, షేర్లు, కామెంట్లతో సందడి చేస్తోంది.

వైరల్ వీడియోను ఇక్కడ చూడండి..

View this post on Instagram

A post shared by Sadia Islam Parvin (@sadiaislamparvin)

మరిన్ని ట్రెండింగ్ వార్తల కోసం ఇక్కడ క్లిక్ చేయండి..