Viral Video: ఆకాశంలో నుంచి అకస్మాత్తుగా నోట్ల వర్షం… ఓ యువకుడికి చుక్కలు చూపించిన కోతి
ఉత్తరప్రదేశ్లోని ప్రయాగ్రాజ్ నుండి ఒక షాకింగ్ సంఘటన వెలుగులోకి వచ్చింది. మంగళవారం ఉదయం ఒక కోతి 500 రూపాయల నోట్లు ఉన్న బ్యాగ్ను పట్టుకుని చెట్టు ఎక్కేసింది. బ్యాగ్లో ఉన్న నోట్ల కట్టలను విప్పి చెల్లా చెదురుగా చెట్టు మీది నుంచి కింద పడేసింది. ఈ సంఘటన స్థానికంగా...
Updated on: Oct 14, 2025 | 5:09 PM
ఉత్తరప్రదేశ్లోని ప్రయాగ్రాజ్ నుండి ఒక షాకింగ్ సంఘటన వెలుగులోకి వచ్చింది. మంగళవారం ఉదయం ఒక కోతి 500 రూపాయల నోట్లు ఉన్న బ్యాగ్ను పట్టుకుని చెట్టు ఎక్కేసింది. బ్యాగ్లో ఉన్న నోట్ల కట్టలను విప్పి చెల్లా చెదురుగా చెట్టు మీది నుంచి కింద పడేసింది. ఈ సంఘటన స్థానికంగా గందరగోళానికి దారితీసింది. ఆకాశం నుంచి వర్షం వలె పడుతున్న నోట్లను అందకోవడానికి స్థానికులు పోటీ పడ్డారు. అయితే ఆ తర్వాత ఆ నోట్లన్నింటినీ బాధిత యువకుడికి తిరిగిచ్చారు. ఈ సంఘటనకు సంబంధించిన వీడియో వైరల్ అవుతోంది.
ఈ సంఘటన ఉత్తరప్రదేశ్లోని ప్రయాగ్రాజ్లోని గంగానగర్ జోన్లోని సోరాన్ తహసీల్లోని ఆజాద్ సభగర్లో జరిగింది. ఒక యువకుడు తన బైక్ను అక్కడ పార్క్ చేసి, ఒక భూమిని రిజిస్టర్ చేయడానికి తహసీల్కు వచ్చాడు. అతను డబ్బును బైక్ ట్రంక్లో ఒక బ్యాగ్లో ఉంచాడు. ఆ కోత కూడా అక్కడికి సమీపంలోనే ఉంది. ఆ యువకుడు బైక్ నుంచి దూరం జరిగాక, ఆ కోతి బైక్ దగ్గరకు వచ్చింది.
కోతి బైక్ డబ్బా తెరిచి బ్యాగ్ను తీసింది. బ్యాగ్ను తిరిగి తీసుకోవడానికి ప్రజలు పరిగెత్తినప్పుడు ఆ కోతి సమీపంలోని చెట్టు ఎక్కింది. ప్రజలు అరుస్తూ కింద నుండి కోతిపై రాళ్లు రువ్వారు. బ్యాగును తీసుకునేందుకు ప్రయత్నించారు. కానీ బ్యాగ్ను తిరిగి ఇవ్వడానికి బదులుగా, కోతి దానిని తెరిచి లోపల ఉన్న పాలిథిన్ బ్యాగ్ నుండి డబ్బును తీసింది. చెట్టుపై కూర్చుని, కోతి సంతోషంగా 500 రూపాయల నోట్లను కురిపించింది. ప్రజలు చెట్టు కింద నోట్లను సేకరించారు. ఆ తర్వాత వారు వాటిని యువకుడికి తిరిగి ఇచ్చారు. డబ్బులు అన్నీ దక్కడంతో ఆ యువకుడు ఊపిరి పీల్చుకున్నాడు.
వీడియో చూడండి:
अच्छे दिन का असर, बंदर भी पैसा लूटा रहा है😀संगम नगरी में बंदर ने पेड़ से की 500 रूपये के नोटों की बारिश pic.twitter.com/0kHQtQ9osl
— Dharmendra Singh (@dharmendra135) October 14, 2025
