Viral Video: ప్రియుడి బొక్కలు చూరచూర చేసిన ప్రియురాలు… దెబ్బకు 13 ఫ్రాక్చర్లు..

హర్యానాలోని ఫరీదాబాద్ జిల్లాలో జరిగిన ఒక దిగ్భ్రాంతికరమైన సంఘటన ఇది. ఒక మహిళ తన ప్రియుడు తనను వివాహం చేసుకోవడానికి నిరాకరించడంతో అతన్ని తీవ్రంగా కొట్టింది. బాధితుడు గుల్షన్‌కు 13 ఎముకలు విరిగిపోయాయి. గత 17 రోజులుగా ఆసుపత్రిలో చికిత్స పొందుతున్నాడు.

బాధితుడు గుల్షన్ గతంలో ఇచ్చిన రూ.21.5 లక్షలు తిరిగి ఇచ్చే నెపంతో అతన్ని మహిళ తన ఇంటికి పిలిచింది. అయితే, అతను వచ్చిన తర్వాత మహిళ కుటుంబ సభ్యులు తనపై దాడి చేశారని గుల్షన్‌ చెప్పాడు. ఆ మహిళ తనను వివాహం చేసుకోమని అడగడం ప్రారంభించింది. అతను నిరాకరించడంతో, ఆమె తనను కొట్టించిందని చెప్పాడు.

అయితే బాధితుడు గుల్షన్‌కు, ఆ మహిళకు ఇప్పటికే వేరువేరుగా వివాహాలు జరిగాయి. గుల్షన్, ఆ మహిళ వారి మునుపటి భాగస్వాముల నుండి చట్టబద్ధంగా విడాకులు తీసుకోలేదు. ఈ జంట ప్రేమకథ 2019లో గుల్షన్ మొబైల్ దుకాణానికి ఆ మహిళ తరచుగా వెళ్లడంతో ప్రారంభమైంది.

గుల్షన్ తన భార్య నుండి విడిగా నివసిస్తున్నారు. ఆ మహిళ కూడా తన భర్తతో విడాకుల ప్రక్రియలో ఉన్నట్లు సమాచారం. ఆ మహిళకు 10 ఏళ్ల కుమార్తె ఉండగా, గుల్షన్‌ ముగ్గురు పిల్లల తండ్రి.

మార్చి 29న గుల్షన్ తన డబ్బు తిరిగి అడగడానికి వెళ్ళినప్పుడు ఈ దాడి జరిగింది. తనను తీవ్రంగా కొట్టారని, ప్రాణాలను కాపాడుకోవడానికి పారిపోవాల్సి వచ్చిందని అతను పోలీసులకు చెప్పాడు. ఈ కేసులో 5 మంది నిందితులపై పోలీసులు కేసు నమోదు చేశారు.

వీడియో చూడండి:

हरियाणा के फरीदाबाद में बॉयफ्रेंड के हाथ-पैर तुड़वाए:गर्लफ्रेंड के रिश्तेदारों ने पीटा, शादी से इनकार किया था, 13 फ्रेक्चर आए, 17 दिन से अस्पताल में@police_haryana @FBDPolice pic.twitter.com/l6zi0XoqOH

— Anuj Tomar, Journalist (@THAKURANUJTOMAR) April 15, 2025