Viral Video: జాతీయ గీతం ఆలపిస్తున్న క్యూట్ కిడ్.. ప్రముఖులను ఆకట్టుకున్న వీడియో

Cute Kid Video

మన జాతీయ గీతం జనగణమన ఆలపిస్తుంటే చాలు ఏదో తెలియని ఆనందం.. మనసంతా దేశ భక్తితో నిండిపోతుంది. ఈ జాతీయ గీతాన్ని విద్యాసంస్థల్లో రోజూ అలపిస్తారు. అయితే గత కొంతకాలంగా సినిమా హాల్స్ లో సినిమా ప్రారంభానికి ముందు జనగణమన గీతాన్ని ఆలపిస్తున్నారు. అయితే ఇప్పుడు సోషల్ వీడియాలో ఒక చిన్నారి బుడతడు ఈ జాతీయ గీతం ఆలపించిన తీరు.. అందరినీ ఆకట్టుకుంటుంది. అయితే ఈ వీడియో 78వ స్వాతంత్ర్య దినోత్సవం సందర్భంగా సోషల్ మీడియాలో హల్ చల్ చేస్తున్నా… వాస్తవానికి ఈ వీడియో స్కూల్ లో పరేడ్ జరిగిన సందర్భంలో తీసినట్లు తెలుస్తుంది. ఇంకా సరిగ్గా నిలబడడం రాని చిన్నారి బాలుడు .. ఇంకా చెప్పాలంటే మాటలు కూడా స్పష్టంగా మాట్లాడడం రాని ఓ చిన్నారి బాలుడు మనసులో నుంచి ఎంతో సంతోషంగా ఉత్సాహంగా స్కూల్ లో జనగణమన గీతాన్ని అలపిస్తున్నాడు. ఈ వీడియోను మొదట హర్ష్ గోయెంకా, ఆ తర్వాత కిరణ్ మజుందార్-షా 78వ స్వాతంత్ర్య దినోత్సవం సందర్భంగా జాతీయ గీతాన్ని ఆలపిస్తున్న “అందమైన బాలుడు” వీడియోను షేర్ చేశారు . గోయెంకా ఈ వీడియోను షేర్ చేసినప్పుడు లక్ష మందికి పైగా వీక్షించారు. మజుందార్-షా పోస్ట్ కూడా క్రమంగా నెటిజన్ల దృష్టిని ఆకర్షిస్తోంది.

వైరల్ అవుతున్న ఈ వీడియోలో ఒక చిన్న పిల్లవాడు జాతీయ గీతం ఆలపిస్తున్నాడు. ఆ బుడతడికి జాతీయ గీతంలోని పదాలు స్పష్టంగా తెలియనట్లు అనిపిస్తోంది. అయితే ఆ బాలుడు జాతీయ గీతంలోని ప్రతి పదం పలకాలి అన్న తపన.. అతని తన ప్రదర్శనలో దేశభక్తి రుచిని అందరికి ఇంజెక్ట్ చేయడానికి పూర్తి ఉత్సాహంతో ఉన్నాడనిపిస్తుంది. అంతేకాదు ఆ గీతం ఆలపిస్తూ చివర జై హింద్ అన్న తీరు చాలా మంది దృష్టిని ఆకర్షిస్తోంది. ఈ వీడియో సిక్కింకు చెందినదిగా తెలుస్తోంది. మన జాతీయం ఆలపిస్తున్న ఈ బుడతడిని చూస్తే నవ్వకుండా ఉండడం అసాధ్యం అని హర్ష్ గోయెంకా ప్రశంసిస్తున్నారు. నిజమైన దేశ భక్తుడు.. భావి భారత పౌరుడు అంటూ నెటిజన్లు స్పందిస్తున్నారు

“అతని హృదయం, శక్తి! అతను పాడే తీరు, ఎక్స్‌ప్రెషన్స్‌ని చూసి నవ్వడం ఆపుకోలేకపోతున్నాను.. టన్నుల కొద్దీ ప్రేమని అందిస్తున్నా.. దేవుడు ఆ బాలుడు ఆశీర్వదిస్తాడు! ” ఒకరు వ్రాస్తే, మరొకరు “జాతీయ గీతం నా అభిమాన వెర్షన్ చాలా అందంగా ఉంది” అని రాశారు. “మన దేశానికి ఇప్పుడు ఈ ప్యూర్ ఎనర్జీ డెస్పరేట్లీ నీడ్స్….నైస్ వన్!!!…..నిజాయితీగా సోషల్ మీడియాలో మీ కలెక్షన్స్ చూడటం ఇప్పుడు తనకు రోజువారీ అలవాటుగా మారింది,” అని మరొకరు కామెంట్ చేశారు.

మరిన్ని ట్రేండింగ్ వీడియో వార్తల కోసం ఇక్కడ క్లిక్ చేయండి..