Resign Letter :రాజీనామా లేఖ.. ఇలా కూడా రాస్తారా..? అందుకే ఇంతలా వైరల్ అవుతోంది..

Resign Letter

రాజీనామా లేఖ(Resign Letter) రాయడం కూడా ఒక కళే… ఇందులో ప్రతి ఉద్యోగి మాస్టర్ కాదు. అయితే, కొంతమంది ఉద్యోగులు రాజీనామా లేఖలో తమ మనోవేదన, అభిప్రాయాలు, కారణాలు చెబుతూ..తమ ఉద్యోగానికి రాజీనామా చేస్తారు. కానీ, ఇక్కడ మాత్రం ఒక ఉద్యోగి ఇచ్చిన రాజీనామా లేఖ సర్వత్రా ఆసక్తిని, ఆశ్చర్యాన్ని కలిగిస్తోంది. అవును, సోషల్ మీడియాలో ‘మూడు పదాలు’ రాజీనామా లేఖ ఒకటి హల్‌చల్‌ చేస్తోంది. అయితే, ఈ రిజైన్‌ లెటర్‌ పాతదే అయినప్పటికీ నెట్టింట మరోమారు చక్కర్లు కొడుతోంది. ఇది చూసిన నెటిజన్లు బిందాస్ ఉద్యోగుల రాజీనామాలు ఇలాగే ఉంటాయని అంటున్నారు! ఈ లేఖలో ఉద్యోగి “బై, బై సర్” అని సింపుల్‌గా, సుత్తిలేకుండా తన రాజీనామా లేఖను ముగించాడు. అయితే, ఈ పోస్ట్‌ గతంలో కూడా సోషల్ మీడియాను ఆశ్చర్యపోయేలా చేసింది.

ఈ పోస్ట్‌ని ట్విట్టర్ యూజర్ @MBSVUDU పోస్ట్ చేశారు. ఇప్పుడు సోషల్ మీడియాలో మరోసారి చర్చనీయాంశమైంది..! ఇలాంటి వెరైటీ రాజీనామ లేఖను షేర్‌ చేస్తూ కస్టమర్‌ ‘సింపుల్’ అనే పదాన్ని మాత్రమే ఉపయోగించారు. ఈ లేఖ చదివిన నెటిజన్లు కడుపుబ్బా నవ్వుకుంటున్నారు. ఇప్పటికే ఈ పోస్ట్‌కు రెండు లక్షల నాలుగు వేలకు పైగా లైక్‌లు, ఐదు వేల రీట్వీట్లు, వేల సంఖ్యలో కామెంట్స్‌ వచ్చాయి. ఈ రాజీనామాను చదివిన కొందరు యూజర్లు నవ్వు ఆపుకోలేక పోతుండగా.. ఇప్పుడు ఇలాగే రాజీనామా చేస్తామంటున్నారు ఇంకొందరు నెటిజన్లు. రిజైన్ లెటర్ భలే సింపుల్ గా రాశారు, కదా! సూపర్ అంటూ కొందరు ఈ లేఖ రాసిన ఉద్యోగిని పొగుడుతున్నారు.

అయితే, ఇంతకీ ఈ రాజీనామా లేఖలో ఏం చెప్పారంటే..సదరు ఉద్యోగి తన రాజీనామాకు ఎలాంటి కారణం చెప్పలేదు. కేవలం మూడు పదాలను మాత్రమే రాశాడు..అది కూడా.. ‘బై బై సర్..’. అవును, మీరు చదివింది నిజమే. రాజీనామా లేఖ ఫోటో పోస్ట్‌ ఇప్పుడు ఇంటర్నెట్‌లో కనిపించిన వెంటనే చాలా మందిలో దుమారం సృష్టిస్తోంది.

మరిన్ని ట్రెండింగ్ వార్తల కోసం క్లిక్ చేయండి