Viral Video: రన్నింగ్ కార్‌ డోర్ తెరిచి విన్యాసాలు.. కట్ చేస్తే క్షణాల్లోనే గుణపాఠం

Trending Video: పైత్యం ముదిరితే ఎవరూ ఏం చేయలేరు. ఎవరైనా సరే చేసిన అతికి ప్రతిఫలం అనుభవించాల్సిందే. యాక్షన్‌కి రియాక్షన్ ఉంటుంది కదా మరీ. ఈ మధ్య కొంతమంది యువతీ యువకుల వెర్రివేషాలు చూస్తూనే ఉన్నాం. సోషల్ మీడియా మాయలో పడి పిచ్చివాళ్లు అయిపోతున్నారు. ఎక్కడ.. ఏం చేస్తున్నాం అన్న సోయి కూడా మర్చిపోతున్నారు. లైక్స్, కామెంట్స్ కోసం ప్రాణాలకు సైతం తెగిస్తున్నారు. తాజాగా  హిమాచల్​ప్రదేశ్(himachal pradesh)​లోని​ సోలన్​ జిల్లా(Solan District)లో కొందరు యువకులు అలాంటి పిచ్చి పనే చేశారు. నడిరోడ్డుపైనే కారు డోర్​ తెరిచి ఫీట్లు చేయడానికి యత్నించారు. ఈ క్రమంలోనే కారు అదుపుతప్పి డివైడర్​ను ఢీకొట్టి అవతలి రోడ్డుపైకి దూసుకెళ్లింది. అటునుంచి వచ్చే కార్లోని వ్యక్తి సడెన్ బ్రేక్ వేశాడు సరిపోయింది కానీ లేదంటే పరిస్థితి వేరుగా ఉండేది. ఈ ప్రమాదంలో విన్యాసాలు చేసిన కార్లోని వ్యక్తులు స్వల్ప గాయాలతో బయటపడ్డారు. సమాచారం అందుకున్న పోలీసులు రంగంలోకి దిగారు. అతి చేసిన యువకులపై కేసు నమోదు చేసి దర్యాప్తు చేస్తున్నారు. యువకుల తిక్క పనిని వెనక వస్తున్న మరో కారు డ్రైవర్​ వీడియో తీసి సామాజిక మాధ్యమాల్లో పెట్టడం వల్ల వైరల్​గా మారింది.

మరిన్ని ట్రెండింగ్ వార్తల కోసం.