Viral Video: వాహనాన్ని స్టార్ట్ చేస్తుండగా.. వినిపించిన వింత శబ్దాలు.. భయంతో ఏంటా అని చూడగా..

పాము పేరు వింటే చాలు మనుషులు ఆమడదూరం జరుగుతారు.. ఎందుకంటే పాము కరిస్తే మామూలుగా ఉండదు.. క్షణాల్లో కాటికి వెళ్ళాల్సిందే.. సాధారణంగా పామును దూరం నుంచి చూస్తే చాలు.. మనం ఠక్కున పరుగులు పెడతాం. మరి అలాంటిది పాము మన దగ్గరలో ఉన్నట్లయితే.. ఇంకేమైనా ఉందా.? గుండె ఆగినంత పనవుతుంది. ఇక్కడ కూడా అదే సీన్.. వీడియో చూస్తే మీరు షాక్ కావడం ఖాయం..

ఓ వ్యక్తి బయటికి వెళ్లేందుకు తన బండి హోండా యాక్టివాను స్టార్ట్ చేస్తాడు. ఇంతలో అతడు ఎక్కడ నుంచో వింత శబ్దాలు రావడాన్ని గమనిస్తాడు. ఎక్కడ నుంచి వస్తున్నాయో అతడికి అర్ధం కావట్లేదు. చుట్టూ ఏం కనిపించలేదు.. ఆ శబ్దాలు హోండా యాక్టివా హ్యాండిల్ నుంచి వస్తున్నాయని గుర్తించాడు.. భయం.. భయంగా ఏముందా అని చూడగా.. దెబ్బకు అతడి ఫ్యూజులు ఎగిరిపోయాయి. ఓ నాగు పాము అందులో తిష్ట వేసింది. వెంటనే ఆ వ్యక్తి స్నేక్ క్యాచర్‌కు సమాచారం అందించాడు. అతడు స్పాట్‌కు చేరుకొని పామును చాకచక్యంగా పట్టుకున్నాడు. ప్రస్తుతం ఇందుకు సంబంధించిన వీడియో నెట్టింట వైరల్ అవుతోంది.