Viral Video: వారెవ్వా ఏం టెక్నాలజీ గురూ.. ఇలా చెబితే న్యూస్‌ అసలు బోరే కొట్టదు..
Viral Video: రోజురోజుకీ పెరిగిపోతున్న టెక్నాలజీ మానవ జీవితాన్ని పూర్తి మార్చేస్తోంది. ఆగ్మెంటెడ్‌ రియాలీ, ఇంటర్‌నెట్‌ ఆఫ్‌ థింగ్స్‌ ఇలా కొత్తగా పుట్టుకొస్తున్న సాంకేతికత విప్లవాత్మక మార్పులకు దారి తీస్తోంది...
Viral Video: రోజురోజుకీ పెరిగిపోతున్న టెక్నాలజీ మానవ జీవితాన్ని పూర్తి మార్చేస్తోంది. ఆగ్మెంటెడ్‌ రియాలీ, ఇంటర్‌నెట్‌ ఆఫ్‌ థింగ్స్‌ ఇలా కొత్తగా పుట్టుకొస్తున్న సాంకేతికత విప్లవాత్మక మార్పులకు దారి తీస్తోంది. ప్రస్తుతం ప్రతీ రంగంలో టెక్నాలజీ వినియోగం అనివార్యంగా మారింది. పెరుగుతోన్న పోటీని తట్టుకునే క్రమంలో సంస్థలు సైతం కొత్త టెక్నాలజీని అడప్ట్‌ చేసుకుంటున్నారు. దీనికి మీడియా సంస్థలు కూడా అతీతులేం కాదు. అందరూ చెప్పే వార్తలను తాము ప్రత్యేకంగా చెప్పాలనుకుంటున్నారు. ఇందులో భాగంగా న్యూస్‌ ప్రజెంటేషన్‌లో మార్పులు చేస్తున్నారు.
సాధారణంగా వార్తలు చూడడాన్ని కేవలం పెద్దలు మాత్రమే ఇష్టపడుతుంటారు. యంగ్‌ జనరేషన్‌ న్యూస్‌ను కాస్త తక్కువగానే చూస్తారనే విషయం తెలిసిందే. అయితే ప్రస్తుతం అందుబాటులోకి వస్తోన్న ఆంగ్మెంటెడ్‌ రియాలిటీతో యువత కూడా న్యూస్‌ చూడడానికి ఆసక్తి చూపుతారని చెప్పడంలో ఎలాంటి సందేహం లేదు. మన దగ్గర ఇప్పుడిప్పుడే కొన్ని మీడియా సంస్థలు ఇలాంటి టెక్నాలజీని ఉపయోగిస్తున్నాయి. అయితే విదేశాల్లో మాత్రం ఈ సాంకేతికతను ఎక్కువగా వినియోగిస్తున్నారు.
Fantastic news reporting. ?pic.twitter.com/zmlcX4LcuR
— Figen (@TheFigen) July 6, 2022
ప్రతీ అంశాన్ని 3డీ టెక్నాలజీ సహాయంతో నిజంగా స్టూడియోలోనే జరుగుతుందా అనే భ్రమ కలిగించేలా న్యూస్‌ ప్రజెంటేషన్‌ చేస్తున్నారు. తాజాగా ఇలాంటి న్యూస్‌ ప్రజెంటేషన్‌కు సంబంధించిన ఓ ఓ వీడియో నెట్టింట తెగ సందడి చేస్తోంది. ఫిగెన్‌ అనే నెటిజన్‌ పోస్ట్‌ చేసిన ట్వీట్‌లో న్యూస్‌ ప్రజెంటేషన్‌ కోసం ఉపయోగించిన టెక్నాలజీ చూస్తే అవాక్కవ్వాల్సిందే. వర్షాలు, యుద్ధాలు, వాహనాలు ఇలా ప్రతీ అంశాన్ని 3డీ టెక్నాలజీలో న్యూస్‌ ప్రజెంటర్‌ వివరిస్తున్న తీరు అద్భుతంగా ఉంది. మన దగ్గర కూడా పూర్తి స్థాయిలో ఇలాంటి టెక్నాలజీ వస్తే జనాలు న్యూస్‌ ఛానల్స్‌ను కళ్లప్పగించి చూస్తారనడంలో ఎలాంటి సందేహం ఉండదు కదూ.!
మరిన్ని ట్రెండింగ్ ఆర్టికల్స్ కోసం క్లిక్ చేయండి..