Viral Crime: రైలులో ఒంటరిగా బాలిక.. పక్కనే కూర్చున్న వ్యక్తి చేసిన పనేంటో చూడండి..

రైలు బోగీలో పెద్దగా రద్దీ లేదు. అయినా ఆ వ్యక్తి మైనర్ బాలిక పక్కన అతికినట్లు కూర్చున్నాడు. రహస్యంగా ఆమెను అనుచితంగా తాకుతూ ఉన్నాడు. ఈ మొత్తం సంఘటనను మరో ప్రయాణికుడు వీడియో తీశాడు. వీడియో ఇంటర్నెట్‌లో వేగంగా వ్యాపిస్తోంది. అయితే, ఏ ప్రదేశంలో, ఏ రైలులో ఈ ఘటన జరిగింది అన్న వివరాలు ఇంకా ధృవీకరించలేదు. ఈ సంఘటన మైనర్ బాలికల భద్రతకు పెను సవాల్. యువతులు ఇలాంటి వ్యక్తుల బారిన పడటం తీవ్రమైన సమస్య.

వీడియో తీసిన ప్రయాణికుడు నిందితుడిని ప్రశ్నించాడు. మొదట ఆ వ్యక్తి మాట మార్చడానికి ప్రయత్నించాడు. చివరకు తప్పక తన నేరాన్ని పరోక్షంగా అంగీకరించాడు.

నెటిజన్ల స్పందన:

ఈ దారుణ ప్రవర్తనపై నెటిజన్లు తీవ్ర ఆగ్రహం వ్యక్తం చేస్తున్నారు. సంఘటనపై అధికారిక పోలీసు రికార్డులు ఏవీ లేవు.

ఒక పోస్ట్ ప్రకారం, ఈ సంఘటన జనరల్ బోగీలో జరిగింది. “కళ్ళద్దాలు పెట్టుకున్న ఈ వ్యక్తి తన నీచ మనస్తత్వానికి లోనయ్యాడు. సొంత కూతురు వయసు బాలికను అసహ్యకరంగా తాకడానికి ప్రయత్నించాడు. ఇలాంటి మలిన మనసున్న వారే సమాజంలో యువతులను నిత్యం వేధిస్తారు” అని రాశారు.

यहां वीडियो देखिए pic.twitter.com/P3Zze73ZvC

— Nitin Prajapati (@Prajapat204) October 19, 2025

ఒక యూజర్, “రద్దీగా ఉన్న బోగీలో కూడా ఇలాంటి పని చేయటానికి తెగించిన అతడి ధైర్యమే ఆశ్చర్యం. ఇలాంటి వికృత మనస్తత్వ వ్యక్తులకు కఠిన శిక్ష పడాలి” అని కోరారు.

మరికొందరు “వీడియో తీసిన వ్యక్తి ఇతడిని ఎందుకు కొట్టలేదు?” అని ప్రశ్నించారు. “అరెస్టు చేయాలి”, “దర్యాప్తు చేసి దోషిగా తేలితే శిక్షించాలి” అని డిమాండ్‌ చేశారు.