Viral Video: టోపీలో నుంచి పావురం తీసే అసలు రహస్యం ఇదే.. వీడియో చూస్తే షాక్ అవ్వాల్సిందే..?
Viral Video: టోపీ నుంచి పావురాలు ఎలా బయటపడతాయో అనే గందరగోళాన్ని తొలగిస్తూ, ఒక మాంత్రికుడి ట్రిక్ సోషల్ మీడియాలో వైరల్ అవుతోంది. ఈ వీడియో చూస్తే, మ్యాజిక్ అనేది నిజానికి ఒక భ్రమ అని ఎవరైనా అర్థం చేసుకోవచ్చు. అసలు ఈ వీడియోలో ఏముందో ఇప్పుడు చూద్దాం..
Updated on: Oct 27, 2025 | 8:01 PM
Trending Video: ఇంద్రజాలం చేసే వాళ్లు వివిధ రకాల ఉపాయాలతో జనాలను ఆశ్చర్యాన్ని కలిగిస్తుంటారు. ఇవి ప్రజలను ఆశ్చర్యపరుస్తుంటాయి. ఇలాంటి మ్యాజిక్ ఎలా చేస్తారో అర్థంకాగ చూస్తుంటారు. ఒక ఇంద్రజాలికుడు అకస్మాత్తుగా తన టోపీ నుంచి పావురాన్ని బయటకు తీస్తున్న వీడియో ఒకటి సోషల్ మీడియాలో తెగ వైరలవుతోంది. ఈ ప్రశ్న ఇప్పటికీ చాలా మంది మనస్సులలో మెదులుతుంది. కానీ, ఇప్పుడు సోషల్ మీడియాలో వైరల్ అయిన ఒక వీడియో ఈ రహస్యాన్ని తొలగించింది. ఈ వీడియో చూసిన తర్వాత, ఇంద్రజాలికులు ఒక క్లాత్ టోపీని పావురంగా ఎలా మారుస్తారో మీరు చూడొచ్చు.
మాంత్రికులు టోపీలో నుంచి పావురాలను బయటకు తీయడానికి ఉపయోగించే సాంప్రదాయ ట్రిక్ వెనుక అనేక పద్ధతులు ఉన్నప్పటికీ, అత్యంత సాధారణంగా ఉపయోగించే టెక్నిక్ టోపీ నిర్మాణంలోనే దాగి ఉంటుందని మీకు తెలుసా..
మేజిషియన్స్ ఉపయోగించే “టాప్ హ్యాట్” చూడటానికి సాధారణంగానే ఉంటుంది. కానీ, నిజానికి దాని లోపల ఒక ప్రత్యేకమైన కంపార్ట్మెంట్ లేదా చిన్న అర దాగి ఉంటుంది. టోపీ అంచు చుట్టూ ఉన్న భాగం లోపలికి మడిచే విధంగా లేదా కప్పు ఆకారంలో ఉంటుంది. మాంత్రికుడు టోపీని తన చేతిలో పట్టుకున్నప్పుడు లేదా టేబుల్పై బోర్లించినప్పుడు, పావురం దాగి ఉన్న ఈ కంపార్ట్మెంట్ కనిపించకుండా ఉంటుంది.
చాలా సందర్భాల్లో, పావురాన్ని టోపీలో ముందే దాచరు. ట్రిక్ చూపడానికి కొద్దిసేపటి ముందు, పావురాన్ని తన కోటు లోపల లేదా వేదిక వెనుక భాగంలో ఏర్పాటు చేసిన ఒక ప్రత్యేకమైన పర్సు లేదా సంచిలో సురక్షితంగా ఉంచుతారు. మ్యాజిక్లో అత్యంత కీలకమైన భాగం చేతివాటం. మాంత్రికుడు టోపీని ప్రేక్షకుల ముందు ఊపి, “టోపీలో ఏమీ లేదు” అని చూపించేటప్పుడు, ప్రేక్షకులను దృష్టి మరల్చే ప్రయత్నం చేస్తాడు.
మాంత్రికుడు టోపీని చూపించేటప్పుడు, ఒక చేత్తో టోపీని తడిమి, ప్రేక్షకుల దృష్టిని టోపీ వైపు మళ్లిస్తాడు. అదే సమయంలో, మరొక చేత్తో కోటు లేదా వెనుక ఉన్న పర్సు నుంచి పావురాన్ని చాలా వేగంగా బయటకు తీసి, దానిని టోపీ లోపలి భాగంలో ఏర్పాటు చేసిన దాచిన అరలోకి జారుస్తాడు.
ఈ మొత్తం ప్రక్రియ కొన్ని సెకన్లలో జరిగిపోతుంది. వేదికపై లైటింగ్, మ్యాజిక్కు సంబంధించిన మాటలు, ప్రేక్షకులను ఆకర్షించే ఇతర చర్యల కారణంగా ఈ కదలిక ఎవరి కంటికీ కనిపించదు. ట్రిక్ రివీల్ చేసే వీడియో: టోపీలో పావురం ఎలా దాగి ఉంటుంది. మాంత్రికులు తమ చేతివాటాన్ని ఎలా ఉపయోగిస్తారో తెలుసుకోవడానికి ఈ వీడియోను చూడవచ్చు.
ఈ ట్రిక్ రహస్యాన్ని తెలుసుకోవడానికి ఈ వీడియోను చూడవచ్చు..
View this post on Instagram
పావురాన్ని టోపీ నుంచి తీసే మ్యాజిక్ అనేది నిజంగా మంత్రం కాదు. ఇది కేవలం వేగం, సరైన సమయం, ప్రత్యేక వస్తువులతో చేసే ఒక అద్భుతమైన కళ. ట్రిక్ తెలిసినప్పటికీ, దానిని ప్రదర్శించే మాంత్రికుడి ప్రతిభ మాత్రం అమోఘం.
9 మిలియన్ వ్యూస్..
ఈ వీడియో సోషల్ మీడియా ప్లాట్ఫామ్ ఇన్స్టాగ్రామ్లో అజయ్జోరార్బాని అనే ఐడీతో షేర్ చేశారు. దీనిని ఇప్పటివరకు 9 మిలియన్ సార్లు వీక్షించారు. 30 వేలకు పైగా ప్రజలు ఈ వీడియోను లైక్ చేసి కామెంట్లు పంచుకున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..
