Viral Video: జిరాఫీని మట్టుబెట్టి వేటాడిన సింహం.. మృగరాజు వేట చూస్తే ఆశ్చర్యపోతారంతే.!

సోషల్ మీడియాలో జంతువులకు సంబంధించిన వీడియోలు తరచూ వైరల్ అవుతుంటాయి. అవి నెటిజన్లను ఆశ్చర్యపరుస్తాయి. అలాగే అడవిలో జంతువులు చేసే చిత్ర, విచిత్ర విన్యాసాలకు, వేటకు హద్దు ఉండదు. అందుకేనేమో వాటికి సంబంధించిన వీడియోలు నెట్టింట్లో అంత పాపులారిటీని సంపాదిస్తాయి. అలాంటి ఓ వీడియో గురించి ఇప్పుడు తెలుసుకుందాం.

అడ‌వికి రారాజు సింహం. సింహం వేట ఎంత సాలిడ్‌గా ఉంటుందో ప్ర‌త్యేకంగా చెప్పాల్సిన అవసరం లేదు. దాని గ‌ర్జ‌న వినిపించినా చాలు మిగ‌తా జంతువులు పారిపోతాయి. మృగరాజు అంటే ఆ మాత్రం భయం ఉండాలి. ఇక సింహం పంజా ప‌వ‌ర్ ఎలాంటిదో ఎన్నో విడియోలు చూశాం. తాజాగా సింహం ప‌దునైన వేట‌కు సంబంధించిన ఓ వీడియో ఇంట‌ర్నెట్‌లో తెగ వైర‌ల్ అవుతుంది.

ఓ జిరాఫీ ఒంటరిగా ఉండడాన్ని సింహల గుంపు చూస్తుంది. దాన్ని వేటాడడానికి వ్యూహాన్ని పన్నుతాయి. జిరాఫీ వెంటబడి.. ఒకదాని తర్వాత ఒకటి మెరుపుదాడి చేస్తాయి. ఇంకేముంది ఒక్కసారిగా అన్ని సింహాలు దాడి చేసేటప్పటికి.. ఆ జిరాఫీ నేల కూలుతుంది. ఈ భీకర పోరాటంలో సింహాలు విజయం సాధిస్తాయి.. జిరాఫీ ఓటమిని చవిచూస్తుంది. ఈ వీడియో ప్రస్తుతం సోషల్ మీడియాలో వైరల్ అవుతోంది. దీనిని చూసి చాలా మంది ఆశ్చ‌ర్యానికి గుర‌వుతున్నారు. మ‌రికొంద‌రు ఇంత‌కుముందు ఎప్పుడూ ఇటువంటి సింహం వేట చూడ‌లేద‌ని కామెంట్ చేస్తున్నారు.