టీమిండియా ఫాస్ట్ బౌలర్ బౌలింగ్‌ను ఇమిటేట్ చేసిన బామ్మ.. వీడియో

బుమ్రా…టీమిండియా ఫాస్ట్ బౌలర్.. ఐసీసీ వన్డే ఇంటర్నేషనల్ ర్యాంకిగ్స్‌లో టాప్ లిస్ట్‌లో ఉన్నాడు. ఈ సారి ప్రపంచకప్‌లో తొమ్మిది మ్యాచ్‌లలో 18 వికెట్లు తీశారు. అయితే ఈ ఫాస్ట్ బౌలర్ స్టయిలే వేరు. అందరికంటే భిన్నంగా యాక్షన్ ఉంటుంది. అందుకే బుమ్రా బౌలింగ్ స్టైల్ లా వేసేందుకు యువకులు చాలా మంది ట్రై చేస్తూ ఉంటారు.

అయితే యువకులు ట్రై చేస్తున్నారంటే అందులో వింతేముంది అనుకోవచ్చు. కానీ తాజాగా బుమ్రా బౌలింగ్‌ స్టయిల్‌ను అనుసరించింది ఓ బామ్మ. దానికి సంబంధించిన విజులవల్స్ ఇప్పుడు నెట్టింట చక్కర్లు కొడుతోంది. తమిళనాడుకు చెందిన ఓ బామ్మ బుమ్రా బౌలింగ్‌ను ఇమిటేట్ చేసింది. ఆ వీడియోను ఓ యువతి తన ట్విట్టర్ ఖాతాలో షేర్ చేసింది. అంతే.. క్షణాల్లో వీడియో వైరల్‌గా మారింది. చివరకు అది బుమ్రాకు కూడా చేరింది. ఆ బామ్మ వీడియోను చూసిన బుమ్రా.. ఆ వీడియోపై స్పందించాడు. ఈ వీడియో ఈరోజు నాకు చాలా సంతోషాన్ని కలిగించిందంటూ ట్వీట్ చేశాడు.