అమెరికాలో హిందూ దేవాలయంపై దాడి.. పగిలిన కిటికీల అద్దాలు

ఘటనను ఉత్తర అమెరికా హిందువుల కూటమి(CoHNA), హిందూ అమెరికన్ ఫౌండేషన్ (HAF) తీవ్రంగా ఖండించాయి. ఒహయో మేయర్ కిమ్ థామస్, రిచ్‌మండ్ హైట్స్ నగర అధికారులు బహిరంగంగా స్పందించాలని.. నిందితుడిపై పోలీసులు చర్యలు తీసుకోవాలని సోషల్ మీడియా వేదికగా కోరాయి.

ఈ ఘటనపై హిందూ అమెరికన్ ఫౌండేషన్ (HAF) తీవ్రంగా స్పందించింది. అమెరికాలో హిందూ అమెరికన్ సమాజంపై గతంలో ఎన్నడూ లేనంతగా ద్వేషపూరిత ప్రచారం, వ్యాఖ్యలు పెరుగుతున్న సమయంలో ఈ ఘటన జరగడం ఆందోళన కలిగిస్తోందని తెలిపింది. భారతీయులు, హిందూ అమెరికన్లపై విద్వేషపూరిత వ్యాఖ్యలు, ప్రచారాన్ని రాజకీయ నాయకులు, ప్రభుత్వ సంస్థలు బహిరంగంగా ఖండించాలని HAF కోరింది. ఇలాంటి ఘటనలపై స్పష్టమైన చర్యలు తీసుకోవాలని డిమాండ్ చేసింది. HAF ఎగ్జిక్యూటివ్ డైరెక్టర్ సుహాగ్ శుక్లా దాడిని ఖండించారు. దేవాలయంలోని వీడియోలను పరిశీలించి నిందితుడిని వెంటనే గుర్తించి అరెస్టు చేయాలని కోరారు. ఆన్‌లైన్‌ పోస్టుల ద్వారా జరిపిన విద్వేషపూరిత ప్రచారం కాకుండా ఇప్పుడు వాస్తవ రూపంలో హిందూ దేవాలయంపై దాడికి తెగబడ్డారని వ్యాఖ్యానించారు. ఈ ఘటనకు సంబంధించిన వివరాలను ఎఫ్‌బీఐ సివిల్ రైట్స్ యూనిట్ దృష్టికి కూడా తీసుకెళ్లినట్లు హిందూ అమెరికన్ ఫౌండేషన్ తెలిపింది. ఆలయ నిర్వాహకులతో తమ సంస్థ నిరంతరం సంప్రదింపులు జరుపుతోందని, అవసరమైన న్యాయ సహాయం, ఇతర సహకారం అందిస్తున్నట్లు వెల్లడించింది. దాడిని విద్వేషపూరిత నేరం (హేట్ క్రైమ్) కోణంలో కూడా దర్యాప్తు చేయాలని కోరింది.

#Breaking: This afternoon, in a fresh incident of Hinduphobia, the Shree Swaminarayan Hindu Temple Vadtaldham, in the greater Cleveland area, Ohio, was attacked and vandalized with bricks, shattering widows while priests and some devotees were inside.

This comes as Hindus in Ohio begin celebrating Hindu Heritage Month and honor the Divine Feminine through Navratri in less than 10 days.

We call upon Mayor Kim Thomas and @RichmondHtsOH to condemn such bigotry and @PoliceRichmond to take swift action against the perpetrator.

@Rep_Troy @SenatorCirino @RepShontelBrown @berniemoreno @SenJonHusted @NirajAntani @VivekGRamaswamy

— CoHNA (Coalition of Hindus of North America) (@CoHNAOfficial) October 2, 2026

దసరా వేడుకలకు ముందు ఘటన

ఈ దాడి జరిగిన సమయంలో ఒహయోలోని భారతీయ-అమెరికన్ సమాజం హిందూ హెరిటేజ్ మంత్ వేడుకలకు సిద్ధమవుతోంది. మరో పది రోజుల్లో నవరాత్రి ఉత్సవాలు ప్రారంభం కానున్న నేపథ్యంలో ఈ ఘటన చోటుచేసుకుంది. అమెరికాలో హిందూ మతపరమైన ప్రదేశాలపై గతంలోనూ దాడులు, విధ్వంస ఘటనలు జరిగినట్లు HAF తెలిపింది. 2022 ఆగస్టులో న్యూయార్క్‌లోని క్వీన్స్‌లో ఉన్న శ్రీ తులసి మందిరంలోని మహాత్మా గాంధీ విగ్రహాన్ని ధ్వంసం చేశారు. 2023 డిసెంబర్‌లో కాలిఫోర్నియాలోని నెవార్క్‌లో ఉన్న SMVS శ్రీ స్వామినారాయణ ఆలయ గోడలపై అభ్యంతరకరమైన రాతలు రాశారు. 2024లో న్యూయార్క్, కాలిఫోర్నియాలోని BAPS ఆలయాలపై కూడా దాడులు జరిగినట్లు HAF పేర్కొంది. గత ఏడాది కాలిఫోర్నియాలోని చినో హిల్స్‌లో ఉన్న BAPS ఆలయంపై ద్వేషపూరిత సందేశాలు రాసి దానిని అపవిత్రం చేసిన ఘటన కూడా నమోదైందని తెలిపింది.