Viral Video: నీళ్లు తాగుతున్న ఆవును వేటాడిన మొసళ్లు.. కట్ చేస్తే సీన్‌లోకి.. వైరల్ వీడియో!
Viral Video: సోషల్ మీడియాలో అడవి జంతువులకు సంబంధించిన వీడియోలు తరచూ వైరల్ అవుతుంటాయి. అడవిలో ఎప్పుడూ ఏదొక వింత జరుగుతూనే ఉంటుంది..
Updated on: Sep 29, 2021 | 9:57 PM
సోషల్ మీడియాలో అడవి జంతువులకు సంబంధించిన వీడియోలు తరచూ వైరల్ అవుతుంటాయి. అడవిలో ఎప్పుడూ ఏదొక వింత జరుగుతూనే ఉంటుంది. ఏ క్షణం డేంజర్ వస్తోంది అంచనా వేయలేం. క్రూర జంతువులు ఎలప్పుడూ తమ వేటను కొనసాగిస్తూనే ఉంటాయి. అడవిలో నియమాలు ఇలాగే ఉంటాయి. ఇదిలా ఉంటే.. మొసలిని సముద్రపు అలెగ్జాండర్ అని పిలుస్తుంటారు. నీళ్లలో మొసళ్లకు వెయ్యి ఏనుగుల బలం ఉంటుంది. ఏ జంతువునైనా ఇట్టే మట్టుబెట్టగలవు. అలాంటి మొసళ్లు ఓ ఆవుల మందపై మెరుపు దాడి చేశాయి. ఈ ఘటన దక్షిణాఫ్రికా అడవుల్లో చోటు చేసుకుంది. అందుకు సంబంధించిన వీడియో సోషల్ మీడియాలో వైరల్‌గా మారింది.
వైరల్ వీడియో ప్రకారం.. ఎక్కడ నుంచో ఓ ఆవుల మంద నది ఒడ్డుకు వస్తుంది. నీళ్లు తాగుతూ సేద తీరుతున్న సమయంలో మొసళ్లు వాటిపై మెరుపు దాడికి దిగుతాయి. దాదాపు అన్ని ఆవులు తప్పించుకోగా.. ఒకటి మాత్రం ఓ మొసలికి చిక్కుతుంది. అంతే ఆ ఆవును తన పదునైన దవడలతో మొసలి నీళ్లలో లాక్కుని వెళ్లిపోతుంది. మిగతా మొసళ్లు కూడా ఆవు కళేబరం కోసం నది మధ్యకు చేరుకుంటాయి. ఇంతవరకు బాగానే ఉంది. ఇప్పుడే అసలు సీన్ మొదలైంది.
సీన్‌లోకి నీటి ఏనుగులు ఎంటర్ అయ్యాయి. మొసళ్లు దగ్గర ఉన్న ఆహారాన్ని లాక్కునేందుకు వాటిని వెంబడించాయి. ఒక్కో మొసలిని తరుముతూ.. వాటి దగ్గర ఉన్న ఆవు కళేబరాన్ని పట్టుకుని ఉడాయించాయి. ఈ షాకింగ్ దృశ్యాలను లేటెస్ట్ సైటింగ్స్ తన యూట్యూబ్ ఛానల్‌లో అప్‌లోడ్ చేయగా.. దీనిని చూసిన నెటిజన్లు షాక్‌కు గురయ్యారు. వరుసపెట్టి కామెంట్స్, లైకులతో హోరెత్తిస్తున్నారు.
