Viral: నదిలో చేపల కోసం వల వేశాడు.. చిక్కింది చూసి స్టన్ అయ్యాడు..

ఇక్కడ మనల్లో చాలా తక్కువగానీ.. అమెరికన్లు మాత్రం సమ్మర్‌లో తరచూ ఫిషింగ్‌కు వెళ్తుండటం సర్వసాధారణం. అక్కడ కొన్ని ప్రాంతాల్లో నివసించే ప్రజలు వీకెండ్ వస్తే చాలు.. చిన్న పడవ, తమ దగ్గరున్న వల, ఫిషింగ్ స్టిక్ తీసుకుని స్థానికంగా ఉండే సరస్సుల్లో చేపల వేటకు వెళ్తుంటారు. అయితే అప్పుడప్పుడూ ఈ వేటలోనే కొన్ని అనుకోని సంఘటనలు జరుగుతుంటాయి. సరిగ్గా ఇలాంటి కోవకు చెందిన స్టోరీనే మేము చెప్పబోతున్నాం. ఈ ఘటన అమెరికాలో చోటు చేసుకుంది.

వివరాల్లోకి వెళ్తే.. న్యూయార్క్‌కు చెందిన ఎరిక్ దగ్గరలోని హడ్సన్ వ్యాలీకి చేపలు పట్టేందుకు వెళ్లాడు. అక్కడ ఓ వల వేసి తన చేపల వేట కొనసాగించాడు. ఈలోగా వల బరువెక్కడంతో.. దాన్ని పైకి తీసి చూడగా.. ఓ వింత ఆకారంలో ఉన్న జీవి చిక్కుకుని కనిపించింది. మొదటిగా దీనిని చూసి ఈల్ చేప అని అనుకున్నాడు. సుమారు రెండడుగులు పొడవున్న ఆ వింత జీవి నోరును తెరిస్తే.. అత్యంత భయంకరంగా ఉందట. అచ్చం స్టార్ వార్స్‌లో సార్లాక్ పిట్‌ను పోలి ఉందని ఆ వింత జీవి అని ఎరిక్ ఆశ్చర్యపోతూ దాని ఫోటోలను సోషల్ మీడియాలో అప్‌లోడ్ చేశాడు. అవి కాస్తా క్షణాల్లో వైరల్ అయ్యాయి. ‘ఇదేదో గ్రహాంతర జీవి’లా ఉందంటూ కొంతమంది కామెంట్ చేయగా.. ‘బాబోయ్.. ఇదేం వింత రాక్షస జీవి’ అంటూ మరికొందరు కామెంట్ చేశారు.(Source)