Breaking News
  • శ్రీకాకుళం: కచరాంలో తృప్తి రిసార్ట్‌ యాజమాన్యం నిర్వాకం. రోడ్లపై గుర్రపు స్వారీ నిర్వహించిన తృప్తి రిసార్ట్‌ యాజమాన్యం. బైక్‌పై వెళ్తున్న రాంబాబు, రమాదేవి దంపతులను గుద్దిన గుర్రం. ఆస్పత్రిలో రాంబాబు పరిస్థితి విషమం. పట్టించుకోని రిసార్ట్‌ యాజమాన్యం. రాసార్ట్‌ ఎదుట స్థానికుల ఆందోళన, పరిస్థితి ఉద్రిక్తం. భారీగా మోహరించిన పోలీసులు.
  • ప.గో: తణుకు మండలం దువ్వలో పిచ్చికుక్క స్వైర విహారం. పిచ్చికుక్క దాడిలో10 మందికి గాయాలు.
  • గుంటూరు: సత్తెనపల్లిలో మహిళ ఆత్మహత్యాయత్నం. చోరీ కేసు పెట్టారన్న మనస్థాపంతో నిద్రమాత్రలు మింగిన లక్ష్మీ. పరిస్థితి విషమం, ఆస్పత్రికి తరలింపు.
  • అనంతపురం: కదిరి మండలం నడిమిపల్లిలో దారుణం. యువకుడు సుధాకర్‌ గొంతు కోసిన దుండగులు. ఆస్పత్రిలో చికిత్స పొందుతున్న సుధాకర్‌. గతంలో రామాంజనేయులు భార్యను ఎత్తుకెళ్లి.. తిరిగి అప్పగించిన సుధాకర్‌. రామాంజనేయులుపై అనుమానం వ్యక్తం చేస్తున్న పోలీసులు.
  • అనంతపురం: హిందూపురంలో రెచ్చిపోయిన వీధికుక్కలు. ఇద్దరు చిన్నారులపై దాడి. వీధికుక్కల దాడిలో తీవ్రంగా గాయపడ్డ చిన్నారులు. ఆస్పత్రికి తరలింపు, పరిస్థితి విషమం.
  • విజయవాడ: వంశీ వ్యాఖ్యలపై అయ్యప్ప భక్త కమిటీ అభ్యంతరం. టీవీ9 డిబేట్‌లో వంశీ అనుచిత వ్యాఖ్యలు సరికాదు. అయ్యప్ప మాలలో ఉన్న భక్తులు రాగద్వేషాలకు అతీతంగా ఉండాలి. పరుష పదజాలంతో భక్తుల మనోభావాలు దెబ్బతీస్తున్నారు. అయ్యప్ప భక్తులకు వంశీ కళంకం తెచ్చారు. ఇప్పటికైనా నియమనిష్టలతో దీక్ష చేయాలి-వేణుగోపాలస్వామి.
  • హైదరాబాద్‌: అశ్వత్థామరెడ్డి నివాసానికి వెళ్లిన ఎంపీ కోమటిరెడ్డి. అశ్వత్థామరెడ్డిని పరామర్శించిన కోమటిరెడ్డి వెంకటరెడ్డి. ఆర్టీసీ కార్మికులకు మద్దతుగా అందరూ ముందుకు రావాలి. అశ్వత్థామరెడ్డికి ఏం జరిగినా సీఎం కేసీఆర్‌దే బాధ్యత. కార్మికుల సమస్యలు ప్రభుత్వం త్వరగా పరిష్కరించాలి. సడక్‌బంద్‌ను విజయవంతం చేయాలి-ఎంపీ కోమటిరెడ్డి.

అరవ హీరో..తెలుగు ట్రైలర్..’విజిల్’ వేయిస్తున్నాడంతే..!

తమిళ స్టార్ హీరో విజయ్ నటించిన తాజా చిత్రం ‘బిగిల్’.  ఈ సినిమాను తెలుగులో ‘విజిల్’ అనే టైటిల్ తో రిలీజ్ చేస్తున్నారు. అట్లీ దర్శకత్వంలో తెరకెక్కిన ఈ సినిమాలో నయనతార హీరోయిన్ గా నటించింది. ఇప్పటికే విడుదలైన తమిళ ట్రైలర్​ సామాజిక మాధ్యమాల్లో సంచలనం సృష్టించింది.  ప్రమోషన్స్ లో భాగంగా ఈ సినిమా తెలుగు ట్రైలర్‌ను ‘విజిల్’ టీమ్ విడుదల చేసింది. ఈ సినిమాలో విజయ్ తండ్రికొడుకులుగా డబల్ రోల్ లో నటించినా.. మొత్తం మూడు విభిన్న గెటప్స్‌లో అభిమానులను మెస్మరైజ్ చేయనున్నాడు.

ఇక ట్రైలర్ విషయానికి వస్తే పక్కా పవర్ పాక్డ్‌గా ఉంది. ఇందులో ఫుట్‌బాల్‌ కోచ్​గా కనిపించనున్నాడు ఇళయదళపతి. నయనతార, విజయ్‌ మధ్య వచ్చే సన్నివేశాలు కనువిందు చేస్తున్నాయి. ట్రైలర్ లో ఎక్కువగా ఇంప్రెస్ చేసే మరో అంశం ఫుట్ బాల్‌ను నైపుణ్యంతో విజయ్ హ్యాండిల్ చేసే తీరు.  ఓవరాల్ గా చూస్తే ఈ మాస్ మసాలా లాగా కనిపిస్తోంది.   యాక్షన్‌ సన్నివేశాలతో ఆద్యంతం ఆకట్టుకుంటోంది. విజువల్స్​తో పాటు ఏఆర్​ రెహ్మన్ నేపథ్య సంగీతం అలరిస్తోంది. బాలీవుడ్ నటుడు జాకీష్రాఫ్‌ కీలక పాత్ర పోషిస్తున్నాడు. ఏజీఎస్‌ ఎంటర్‌టైన్‌మెంట్స్‌ పతాకంపై నిర్మితమవుతున్న ఈ సినిమా దీపావళి కానుకగా ప్రేక్షకుల ముందుకు రానుంది. అట్లీ దర్శకత్వం వహిస్తున్నాడు. దాదాపు మూడు నిమిషాల నిడివితో ఉన్న తాజా ట్రైలర్‌లో లవ్, ఎమోషన్, యాక్షన్ మేళవింపుతో బాక్సాఫీస్ వద్ద విజిల్స్ వేయించేట్టుగానే ఉంది. విజయ్​, అట్లీ కాంబోలో గతంలో తెరీ(పోలీసోడు), మెర్సల్‌(అదిరింది) చిత్రాలు మంచి విజయాలను అందుకున్నాయి. మరి హ్యట్రిక్ కొట్టి ఈ ద్వయం సక్సెస్ ట్రాక్‌ను కంటిన్యూ చేస్తుందో..లేదో చూడాలి.