Telangana: ప్రియుడి మోజులో భార్యల కిరాతకం.. స్కెచ్ వేసి మరీ భర్తల హతం
ఈ నెల 7న వెల్దండ మండలం ఎంజీ తండాలో వివాహేతర సంబందానికి అడ్డుగా ఉన్నాడని ప్రేమించి పెళ్లి చేసుకున్న భర్తను ప్రియుడు, మరో వ్యక్తితో కలిసి భార్య హత మార్చింది. ఎంజీ కాలనీ తండాకు చెందిన రాజు, హిమబిందు తొమ్మిదేళ్ల క్రితం ప్రేమించి పెళ్లి చేసుకున్నారు. ఏడాది కాలంగా హిమబిందు మహేశ్వరం మండలం కళ్లెంచెరువు తండాకు చెందిన చంటితో వివాహేతర సంబంధం...
ప్రియుడి మోజులో పడి భర్తలను హత్యలు చేస్తున్న ఘటనలు కలకలం రేపుతున్నాయి. నాగర్ కర్నూల్ జిల్లాలో ఒక్క నెలలోనే ఈ తరహా ఘటనలో ముగ్గురు భర్తలు ప్రాణాలు కోల్పోయారు. వివాహేతర బంధాలకు అడ్డు వస్తున్నారని పక్క స్కెచ్ వేసి మరి భర్తలను కిరాతకంగా హత్యలు చేస్తున్నారు. దాంపత్య జీవితం అర్థమే మారుస్తూ… కుటుంబాలను ఆగం చేస్తున్నారు. నాగర్ కర్నూల్ జిల్లాలో వివాహేతర సంబంధాలు కుటుంబాల్లో చీకటి నింపుతున్నాయి. ప్రియుడి మోజులో పడి కట్టుకున్న భర్త జీవితాన్నే కలారాస్తున్నారు భార్యలు. ఒకటి కాదు రెండు కాదు ఒక్క నెలలోనే ముగ్గురు భర్తలు ప్రాణాలు కోల్పోయిన ఘటనలు తీవ్ర దుమారం రేపుతున్నాయి. ఇందులో ప్రేమ వివాహాలు సైతం అతీతం కాకపోవడం ఆశ్చర్యకరంగా మారింది. పచ్చని కాపురల్లో ఈ వివాహేతర సంబంధాలు చిచ్చుపెట్టిన అమాయక భర్తలు ప్రాణాలు బలిగొంటున్నాయి.
ఈ నెల 7న వెల్దండ మండలం ఎంజీ తండాలో వివాహేతర సంబందానికి అడ్డుగా ఉన్నాడని ప్రేమించి పెళ్లి చేసుకున్న భర్తను ప్రియుడు, మరో వ్యక్తితో కలిసి భార్య హత మార్చింది. ఎంజీ కాలనీ తండాకు చెందిన రాజు, హిమబిందు తొమ్మిదేళ్ల క్రితం ప్రేమించి పెళ్లి చేసుకున్నారు. ఏడాది కాలంగా హిమబిందు మహేశ్వరం మండలం కళ్లెంచెరువు తండాకు చెందిన చంటితో వివాహేతర సంబంధం కొనసాగిస్తుంది. ఇదే క్రమంలో తమ బంధానికి అడ్డుగా ఉన్నాడని భర్తను హతమార్చాలని నిర్ణయించుకుంది. ఆమె ప్రియుడు చంటి, అతడి స్నేహితుడు రాకేష్ సహాయంతో ఈనెల 7వ తేదీ అర్ధరాత్రి ఎంజీకాలనీ తండాలో వ్యవసాయ పొలంలో నిద్రిస్తున్న రాజును సుత్తితో తలపై మోది కిరాతకంగా హతమార్చారు.
ఈ నెల10న తిమ్మాజిపేట మండలం రాళ్ల చెరువు తండాలో తోడబుట్టిన అన్న భార్యతో వివాహేతర సంబంధం పెట్టుకున్నాడు తమ్ముడు. అంతటితో ఆగకుండా ఆ చీకటి బంధానికి అడ్డుగా ఉన్నాడని అన్నను తమ్ముడి హత్య చేసిన సంఘటన కలకలం రేపింది. రాళ్ల చెరువు తండాకు చెందిన సభావత్ శ్రీను (40), గోపాల్ అన్నదమ్ముళ్లు. కొంతకాలంగా జులాయిగా తిరుగుతున్న గోపాల్.. తన అన్న భార్య శాంతితో వివాహేతర సంబంధం పెట్టుకున్నాడు. విషయం తెలుసుకున్న శ్రీను వారిద్దరిని మందలించాడు. ఈ క్రమంలో తమకు అడ్డుగా ఉన్న శ్రీనును ఎలాగైనా హతమార్చాలని పథకం రచించారు. శనివారం రాత్రి ఇంట్లో నిద్రిస్తున్న శ్రీను తలపై గోపాల్ సభావత్ శ్రీను కర్రతో బలంగా కొట్టి హతమార్చాడు. ఎవరికి అనుమానం రాకుండా అదే తండాలో నివాసముంటున్న తన అత్తగారి ఇంటి ఎదుట మృతదేహాన్ని పడేసి వెళ్లిపోయాడు.
ఇక నాగర్ కర్నూల్ జిల్లా బిజినేపల్లి ఎంపీడీవో కార్యాలయ అటెండర్ చింతల పల్లి జగదీశ్ (35)ఈ నెల 24న దారుణ హత్యకు గురయ్యాడు. అల్లీపూర్ శివారులోని కెఎల్ఐ కాల్వలో జగదీష్ మృత దేహం బయటపడగా, పోలీసులు కేసును సీరియస్ గా తీసుకుని విచారణ ప్రారంభించారు. భార్య కీర్తి తన ప్రియుడు నాగరాజుతో పాటు అతని స్నేహితులతో కలిసి దాడిచేసి హతమార్చినట్లు విచారణలో తేలింది. హత్యోదంతంలో పోలీసులు కొత్తకోణం వెలుగులోకి తీసుకొచ్చినట్లు తెలుస్తోంది. చెట్టు కల్లులో మత్తు పదార్థం వాడి భర్త హత్యకు పథకం రచించారు. గుడ్లనర్వ గ్రామానికి చెందిన ప్రియుడి నాగరాజుతో పాటు భార్య తల్లి, తమ్ముడు సైతం హత్యోదంతంలో చేతులు కలిపారు. కల్లులో మత్తుమందు కలిపి జగదీశ్ చేత తాగించారు. జగదీష్ స్పృహ కోల్పోయిన తర్వాత కారులో తూడుకుర్తి గ్రామ శివారులోని జగదీష్ వ్యవసాయ బావి వద్దకు తీసుకెళ్లారు.
మొదట అక్కడే కరెంట్ షాక్ తో చంపాలని భావించారు. సమయానికి కరెంట్ లేకపోవడంతో ప్లాన్ మార్చారు. KLI కాల్వలో తోసేశారు… అంతటితో ఆగకుండా జగదీష్ ను నీళ్లలో ముంచి దారుణంగా హతమార్చారు. జరిగిన మూడు ఘటనల్లో స్వయంగా భర్త హత్యలో నేరుగా పాత్రదారులయ్యారు భార్యలు. మళ్ళీ ఏమి ఎరగనట్లు అయ్యో నా మొగుడిని హత్య చేశారని నటించడం గమనార్హం. ఇక ప్రియుడి మోజులో పడి కట్టుకున్న భర్తను హత్య చేసి… జీవితాన్ని చీకటి చేసుకున్నారు ఈ మహిళామణులు.
మరిన్ని తెలంగాణ వార్తల కోసం క్లిక్ చేయండి..
