Watch Video: రన్నింగ్ కారులో ఒక్కసారిగా మంటలు.. ఆ తర్వాత ఏం జరిగిందంటే?

Car catches Fire on Highway: జాతీయ రహదారి మీద వేగంగా వెళ్తోన్న కారులో ఒక్కసారిగా మంటలు చెలరేగాయి. సంగారెడ్డి జిల్లా కోహీర్ మండలం దిగ్వల్ గ్రామా శివారులో 65వ జాతీయ రహదారిపై కొంచెం సేపటి క్రితం ఈ ప్రమాదం సంభవించింది. కారు ఇంజన్ ఫెయిలై షాట్ సర్కూట్‌తో కారులో మంటలు వ్యాపించినట్టు సమాచారం.

ముగ్గురు వ్యక్తులు కారులో మహారాష్ట్ర నుండి హైదరాబాద్‌కు ప్రయాణిస్తుండగా మార్గమధ్యలో కోహీర్ మండలం దిగ్వల్ గ్రామా సమీపంలో కారులో ఆకస్మీకంగా మంటలు చేలరేగాయని బాధితులు చెబుతున్నారు. ఈ ప్రమాదంలో కారు పూర్తిగా దగ్దం కాగా, అదృష్టవశాత్తూ కారులో ప్రయాణిస్తున్న ముగ్గురు వ్యక్తులు సురక్షితంగా బయటపడ్డారు.

ఈ ప్రమాదంపై సమాచారం అందుకున్న జహీరాబాద్ ఫైర్ సిబ్బంది హుటాహుటీన ఘటనా స్థలానికి చేరుకొని మంటలను ఆర్పివేశారు.