Telangana: ఆ నలుగురు సీన్ రిపీట్.. యాచకుడికి అంతిమ యాత్రకు ఊరంతా కదిలింది..!
యాచకుడు మరణిస్తే ఊరంతా కదిలింది. అక్కడ ఊరు జనాలు మానవత్వం చూపారు. ఊరంతా విరాళాలు సేకరించి యాచకుడికి ఘనంగా అంత్యక్రియలు చేసి సంస్మరణం నిర్వహించారు.
సాధారణంగా బిచ్చగాళ్ల ను చూస్తే ఈసడించుకుంటూ.. దూరంగా ఉంటారు జనాలు. కానీ ఆ యాచకుడు మరణిస్తే ఊరంతా కదిలింది. అక్కడ ఊరు జనాలు మానవత్వం చూపారు. ఊరంతా విరాళాలు సేకరించి యాచకుడికి ఘనంగా అంత్యక్రియలు చేసి సంస్మరణం నిర్వహించారు. మానవత్వం ఇంకా బతికే ఉందని నిరూపించారు ఆ గ్రామస్తులు. ఈ ఘటన ఖమ్మం జిల్లాలో చోటు చేసుకుంది.
వైరా మండలం గొల్లెనపాడు గ్రామానికి చెందిన అనాథ యాచకుడు తాటికొండ భాస్కర్(55) అనారోగ్యంతో మృతి చెందాడు. ఎన్నో దశాబ్దాల కాలంగా గొల్లెనపాడు గ్రామంలో వికలాంగుడైన తాటికొండ భాస్కర్ యాచక వృత్తిని చేపడుతూ నివసిస్తున్నాడు. అతనికి గ్రామ సచివాలయమే నివాసం. నిత్యం దేవాలయం వద్ద, గ్రామంలో ఇంటింటికి మూడు చక్రాలు బండిపై తిరుగతూ యాచిస్తున్నాడు. ఇలా వచ్చిన దానితోనే మూడు పూటలా కడుపు నింపుకుని జీవనాన్ని కొనసాగిస్తున్నాడు. దాంతో గ్రామస్తులతో స్నేహ భావాన్ని పెంపొందించుకున్నాడు.
అయితే, గత కొన్ని రోజుల క్రితం భాస్కర్ అనారోగ్యానికి గురయ్యాడు. చికిత్సపొందుతూ మృతి చెందాడు. నా అనేవాళ్లు లేకపోవడంతో గ్రామస్తులంతా ఒక తాటి పైకి వచ్చి విరాళాలు సేకరించి ఘనంగా అంత్యక్రియలు నిర్వహించారు. దాంతోపాటు అనాధ అనే భావన లేకుండా గ్రామస్తులు సంస్మరణ పెద్దకర్మ కార్యక్రమాలు నిర్వహించి అన్నదాన కార్యక్రమం చేశారు. ఇలా తోటి మానవుడిగా సగర్వంగా సాగనంపారు.
వీడియో చూడండి..
మరిన్ని హ్యుమన్ ఇంట్రెస్ట్ వార్తల కోసం ఇక్కడ క్లిక్ చేయండి..