CM KCR: బీఆర్‌ఎస్‌.. వందకు వందశాతం సెక్యులర్‌ పార్టీ.. ఆలోచించి ఓటేయండి, లేదంటే ఐదేళ్లు నష్టపోతారు..
అసెంబ్లీ ఎన్నికల ప్రచారంలో కేసీఆర్ దూకుడు కొనసాగుతోంది. ప్రతిరోజూ మూడు నాలుగు సభలతో సుడిగాలి పర్యటనలు చేస్తున్నారు గులాబీ బాస్‌. ఏం చెప్పాలనుకున్నారో.. సూటిగా సింపుల్‌గా చెబుతూ ప్రత్యర్ధులపై విరుచుకుపడుతున్నారు. అయితే... కరీంనగర్‌, చొప్పదండి, హుజురాబాద్‌ ప్రజా ఆశీర్వాద సభల్లో అనేక కొత్త అంశాలను టచ్‌ చేశారు.
Updated on: Nov 17, 2023 | 9:57 PM
అసెంబ్లీ ఎన్నికల ప్రచారంలో కేసీఆర్ దూకుడు కొనసాగుతోంది. ప్రతిరోజూ మూడు నాలుగు సభలతో సుడిగాలి పర్యటనలు చేస్తున్నారు గులాబీ బాస్‌. ఏం చెప్పాలనుకున్నారో.. సూటిగా సింపుల్‌గా చెబుతూ ప్రత్యర్ధులపై విరుచుకుపడుతున్నారు. అయితే… కరీంనగర్‌, చొప్పదండి, హుజురాబాద్‌ ప్రజా ఆశీర్వాద సభల్లో అనేక కొత్త అంశాలను టచ్‌ చేశారు. బీఆర్‌ఎస్‌.. వందకు వందశాతం సెక్యులర్‌ పార్టీ అన్నారు కేసీఆర్. తెలంగాణలోని అన్ని మతాలు, అన్ని కులాలు కలిసిమెలిసి సంతోషంగా ఉండాలన్నదే తన లక్ష్యమన్నారు. మతం పేరుతో రాజకీయాలుచేసే బీజేపీకి, కర్ఫ్యూలతో కల్లోలం సృష్టించే కాంగ్రెస్‌కి బుద్ధి చెప్పాలన్నారు. లేదంటే తెలంగాణ రాష్ట్రం ఆగమాగం అవుతుందని హెచ్చరించారు కేసీఆర్. రైతులు, కరెంట్‌, ధరణి… ప్రతి సభలోనూ ఈ మూడు అంశాలనే ఎక్కువగా ప్రస్తావిస్తున్నారు గులాబీ బాస్‌. మళ్లీ వచ్చేది బీఆర్‌ఎస్‌ ప్రభుత్వమే, అనుమానమే లేదన్న కేసీఆర్… రాబోయే రోజుల్లో 24గంటలూ మంచినీళ్లిస్తామంటూ కొత్త హామీ ప్రకటించారు.
కాగా.. హుజురాబాద్‌ సభలో సీఎం కేసీఆర్ ఈటల రాజేందర్‌ టార్గెట్‌గా ఇంట్రెస్టింగ్‌ కామెంట్స్‌ చేశారు. పాలిచ్చే ఆవును కాదని, ఎవరైనా దున్నపోతును తెచ్చుకుంటారా అంటూ ప్రశ్నించారు. పాడి కౌశిక్‌రెడ్డిని గెలిపిస్తే హుజురాబాద్‌ మరింత అభివృద్ధి చెందుతుందని, అదే వేరేటోళ్లకు వేస్తే ఓటు మురిగిపోతుందన్నారు. హుజురాబాద్‌ ప్రజలు.. గతంలో ఓసారి తనను బాధపెట్టారని, ఈసారి ఆ తప్పు చేయొద్దన్నారు కేసీఆర్.
వీడియో చూడండి..
కేసీఆర్ తనతో కన్నీళ్లు పెట్టించారని, గజ్వేల్‌లో ఓడించి బదులు తీర్చుకుంటానంటూ పోటీకి దిగారు ఈటల. గజ్వేల్‌తోపాటు సొంత నియోజకవర్గమైన హుజురాబాద్‌ బరిలోనూ నిలిచారు. అయితే, ఈటలను అతని సొంత నియోజకవర్గంలోనే ఓడించి చెక్ పెట్టేందుకు ప్రయత్నిస్తున్నారు కేసీఆర్. దాంతో, అటు గజ్వేల్‌లో, ఇటు హుజురాబాద్‌లో ఫైట్‌ ఇంట్రెస్టింగ్‌గా మారింది.
మరిన్ని తెలంగాణ వార్తల కోసం ఇక్కడ క్లిక్ చేయండి..
