ఇవి కొండచిలువను కొరికి నమిలేస్తాయ్.. తాచుపాము కరిచినా ఏం కాదు.. వేటాడి చంపేస్తాయ్

మనం సాధారణంగా బయటకు వెళ్ళినప్పుడు చిన్న పాము కనిపిస్తేనే హడలిపోతాం కదా! అబ్బా.. అసలు ఈ పాములు ఎందుకు పుడతాయో అనుకుంటాం. కానీ, ఒకవేళ ఈ భూమి మీద పాముల సంఖ్యను నియంత్రించే జీవులే లేకపోతే, మన పరిస్థితి ఎలా ఉండేదో ఊహించుకోండి. అడుగడుగునా విషసర్పాలే కనిపిస్తాయి. అయితే, ప్రకృతి తనను తాను కాపాడుకోవడానికి కొన్ని ‘స్పెషల్ ఫోర్సెస్’ని తయారు చేసింది. అవేంటంటే..

హనీ బ్యాడ్జర్..

మీరు ఎప్పుడైనా హనీ బ్యాడ్జర్ గురించి విన్నారా? చూస్తే ఒక చిన్న పిల్లిలా ముద్దుగా కనిపిస్తుంది. కానీ, దీని ధైర్యం ముందు సింహం కూడా తోక ముడవాల్సిందే. దీనికి పాము విషం అంటే లెక్కే లేదు. ఏదైనా నాగుపాము వచ్చి దీనికి కాటు వేసినా, కాసేపు మత్తులో పడిపోయి, మళ్ళీ లేచి అదే పామును గుటకాయస్వాహా చేసేస్తుంది. దీని చర్మం ఎంత మందంగా ఉంటుందంటే, పాము కోరలు లోపలికి దిగడమే కష్టం.

పక్షులు, పందులు..

ఇక రోడ్‌రన్నర్ లేదా సెక్రెటరీ బర్డ్ లాంటి పక్షుల వేట చూస్తే మైండ్ బ్లాక్ అవుతుంది. సెక్రెటరీ బర్డ్ తన పొడవైన కాళ్లతో పాము తల మీద ఎంత వేగంగా కొడుతుందంటే, అది కోలుకోవడానికి కూడా టైం ఉండదు. మరో ఆశ్చర్యకరమైన విషయం ఏంటంటే, మన ఊర్లలో తిరిగే పందులు. “పందులు ఉన్న చోట పాములు ఉండవు” అని మన పెద్దలు ఊరికే అనలేదు. వాటి శరీరంలోని కొవ్వు పాము విషాన్ని రక్తంలోకి చేరనివ్వదు. అందుకే పందులు పాములను ఈజీగా వేటాడతాయి. కప్పలు పాములను మింగడం, లేదా ఒక పామే మరో పామును తినడం(కింగ్ కోబ్రా లాగా) చూస్తుంటే, ప్రకృతి ఎంత విచిత్రమైనదో అర్థమవుతుంది.

Also Read:

కడుపు ఉబ్బిపోయి కనిపించిన భారీ కొండచిలువ.. పట్టుకుని పొట్ట కోసి చూడగా.. ఆశ్చర్యం.!

ట్రెక్కింగ్ చేస్తుండగా కొండ కింద ఏదో నల్లగా కనిపించింది.. అదేంటని దగ్గరకు వెళ్లి చూడగా