Minister Srinivas Goud: తెలంగాణ రాష్ట్ర అబ్కారీ, క్రీడా, పర్యాటక, సాంస్కృతిక శాఖల మంత్రి వి. శ్రీనివాస్ గౌడ్ తండ్రి నారాయణ గౌడ్(73) చనిపోయారు. నారాయణ గౌడ్ గత కొంతకాలంగా తీవ్ర అనారోగ్యంతో బాధపడుతున్నారు. ఈ క్రమంలో హైదరాబాద్లోని సోమాజీగూడలోని యశోద ఆస్పత్రిలో చికిత్స పొందుతూ కన్నుమూశారు. మంత్రి శ్రీనివాస్ తండ్రి నారాయణ రిటైర్డ్ ప్రధానోపాధ్యాయులు. ఆయన ఉపాధ్యాయునిగా, ప్రధానోపాధ్యాయునిగా సేవలందించారు. కాగా, విషయం తెలుసుకున్న రాష్ట్ర ముఖ్యమంత్రి కేసీఆర్.. మంత్రి శ్రీనివాస్గౌడ్కు ఫోన్ చేసి పరామర్శించారు. పలువురు రాష్ట్ర మంత్రులు, ఎమ్మెల్యేలు సైతం మంత్రి శ్రీనివాస్ గౌడ్ను పరామర్శించారు. ఇక ముఖ్యమంత్రి తనయ, ఎమ్మెల్యే కవిత మంత్రి శ్రీనివాస్ గౌడ్ ఇంటికి వెళ్లి ఆయన తల్లిని, ఆయనను పరామర్శించారు.
Also read:
Ind vs Eng: రెండో రోజు టీమిండియా బౌలర్ల దూకుడు.. ఎనిమిదో వికెట్ నష్టానికి ఇంగ్లాండ్ స్కోర్..