Loan App Harassment: లోన్ యాప్ వేధింపులు.. హైదరాబాద్‌లో కానిస్టేబుల్ ఆత్మహత్య..!
Loan App Harassment: సమాచారం అందిన వెంటనే పహాడీషరీఫ్ పోలీసులు అక్కడకు చేరుకుని శ్రీను మృతదేహాన్ని స్వాధీనం చేసుకుని పోస్టుమార్టం నిమిత్తం ప్రభుత్వాస్పత్రికి తరలించారు. ఈ ఘటనపై కేసు నమోదు చేసి దర్యాప్తు చేపట్టారు. కానిస్టేబుల్ మృతితో కుటుంబసభ్యులు కన్నీరుమున్నీరుగా విలపిస్తున్నారు..
Updated on: Nov 10, 2026 | 12:10 PM
Loan App Harassment: ఆన్లైన్ లోన్ యాప్‌ల వేధింపులు తీవ్రతమవుతున్నాయి. ఇప్పటికే ఈ యాప్‌లో లోన్స్‌ తీసుకున్న వారి బలవుతున్నారు. తాజాగా పహాడీ షరీఫ్ పోలీస్ స్టేషన్ పరిధిలో ఆన్లైన్ లోన్ యాప్ నిర్వాహకుల వేధింపులకు గురై ఒక పోలీస్ కానిస్టేబుల్ ఆత్మహత్య చేసుకున్నాడు.
నివేదికల ప్రకారం, మృతుడు శ్రీను (32) సుమారు నాలుగు నెలల క్రితం ఒక లోన్ యాప్ నుండి రూ. 40,000 అప్పు తీసుకున్నాడు. అయితే, ఆ మొత్తాన్ని సకాలంలో తిరిగి చెల్లించడంలో విఫలమవడంతో అతను లోన్ యాప్ నిర్వాహకుల నుండి పదేపదే వేధింపులను ఎదుర్కొన్నాడు.
ఆపరేటర్లు అతని భార్య మార్ఫింగ్ చేసిన లేదా అశ్లీల ఫోటోలను అతని కుటుంబ సభ్యులకు, గ్రామస్తులకు పంపిస్తామంటూ బెదిరించినట్లు ఆరోపణలు ఉన్నాయి. వారు ప్రతి గంటకు అతనికి పదేపదే ఫోన్ కాల్స్ చేస్తూ, నిరంతర మానసిక వేధింపులకు గురిచేశారు. అయితే లోన్ యాప్ నిర్వాహకుల వేధింపులను భరించలేక శ్రీను తన నివాసంలో ఆత్మహత్య చేసుకున్నాడు. అయితే శ్రీను కొండాపూర్ బెటాలియన్‌లో కానిస్టేబుల్‌గా పనిచేస్తున్నట్లు సమాచారం.
మరిన్ని తెలంగాణ వార్తల కోసం ఇక్కడ క్లిక్ చేయండి
