Telangana Budget: అసెంబ్లీలో బడ్జెట్ ప్రవేశపెట్టిన భట్టి.. తొలిసారి ప్రతిపక్షనేత హోదాలో సభకు కేసీఆర్‌

తెలంగాణ బడ్జెట్

ఈ బడ్జెట్‌లో గ్రామీణాభివృద్ధి, పంచాయతీ రాజ్‌కు 29 వేల కోట్లు కేటాయింపు. మహిళా సంఘాల్లో ఉన్న 63 లక్షల మంది మహిళల ఆర్థికాభివృద్ధి కోసం ఇందిరా మహిళా శక్తి పథకాన్ని రూపొందించాం. మహిళా సంఘాలకు లక్ష కోట్ల ఆర్థిక సాయం అందిస్తాం. మహాలక్ష్మి పథకం ద్వారా మహిళలకు ఆర్టీసీ బస్సులో ఉచిత రవాణా సౌకర్యం కల్పించాం. ఈ పథకం ద్వారా మహిళలకు 2351 కోట్ల రూపాయలు ఆదా అయ్యాయి.

నీటి పారుదల శాఖకి ఈ బడ్జెట్ లో 22,301 కోట్లు

-) గత ప్రభుత్వం చివరి దశ నిర్మాణలలో ఉన్న చాలా ప్రాజెక్టులను పూర్తి చేయకుండా నిర్లక్ష్యం వహించింది. దీనివల్ల, ఎంతో ప్రజాధనం ఖర్చు అయ్యి కూడా ప్రజా అవసరాలను తీర్చడానికి ఇవి వినియోగంలోకి రాలేదు. మా ప్రభుత్వం తుది దశలో ఉన్న ఇలాంటి ప్రాజెక్టులను మరియు ఆయకట్టు తక్షణం పెంపొందించే 6 ప్రాజెక్టులను ఈ ఆర్థిక సంవత్సరంలో, మరియు 12 ప్రాజెక్టులను వచ్చే ఆర్థిక సంవత్సరంలో పూర్తి చేయడానికి నిర్ణయించాం.

-) రాష్ట్రంలో ఇప్పటికే ఉన్న భారీ, మధ్యతరహా మరియు చిన్న ప్రాజెక్టుల నిర్వహణ కూడా గత పదేళ్లలో జరగకపోవడం వల్ల ఆ ప్రాజెక్టుల సామర్ధ్యానికి అనుగుణంగా ప్రజలకు మేలు జరుగలేదు. అవి అలాగే వదిలేస్తే మన జాతీయ సంపదగా భావించే ప్రాజెక్టులు నిరుపయోగం అవుతాయి. అందుకే మా ప్రభుత్వం ప్రాజెక్టుల నిర్వహణ మరియు మరమ్మత్తులను తగిన సమయంలో చేపట్టడానికి నిశ్చయించాము.

నీటి పారుదల శాఖకి ఈ బడ్జెట్ లో 22,301 కోట్ల రూపాయలు ప్రతిపాదిస్తున్నాము.

నీటి పారుదల రంగం..

–) రాష్ట్రంలో ఈనాటి వరకు 34 భారీ, 39 మధ్యతరహా మొత్తం 73 నీటి పారుదల ప్రాజెక్టులను చేపట్టడం జరిగింది. వాటిలో 42 ప్రాజెక్టులను (10 భారీ మరియు 32 మధ్యతరహా) పూర్తి చేయడం జరిగింది. ప్రస్తుతం 24 భారీ మరియు 7 మధ్యతరహా మొత్తం 31 ప్రాజెక్టులు నిర్మాణంలో ఉన్నాయి.

–) గత ప్రభుత్వం కాళేశ్వరం ప్రాజెక్టు నిర్మాణంలో తీసుకున్న తొందరపాటు నిర్ణయాలు, డిజైన్లలో లోపాలు, నాణ్యతా రహితంగా చేసిన నిర్మాణాలు ఆ ప్రాజెక్టు భవిష్యత్తును ప్రశ్నార్ధకం చేసాయి. ఈ ప్రాజెక్టు గురించి చేసిన ఆర్బాట ప్రచారంతో రైతులు దీనిపై ఎన్నో ఆశలు పెట్టుకున్నారు. కానీ, కొద్దికాలంలోనే ఈ ప్రాజెక్టు యొక్క డొల్లతనం బయటపడి రాష్ట్రం అంతా దిగ్భ్ర్భాంతికి గురయ్యింది. ఈ ప్రాజెక్టులో జరిగిన అవకతవకలను గుర్తించి తగిన చర్యలు సూచించేందుకు విచారణ కమిటీని నియమించాము. ఈ న్యాయ విచారణ కమిటీ ఇచ్చిన నివేదిక ఆధారంగా తదుపరి చర్యలు తీసుకోవడం జరుగుతుంది. ఈ ప్రాజెక్టుపై ఇప్పటికే ఖర్చుపెట్టిన వేల కోట్ల ప్రజా ధనం వృధా అవ్వకుండా ప్రాజెక్టును కాపాడడానికి National Dam Safety Authority వారి సూచనలకు అనుగుణంగా చర్యలు తీసుకుంటున్నాము.

తెలంగాణ ఆర్థిక ‘భట్టీ’యం :

• ప్రజావాణి సక్రమ నిర్వహణకు ఒక ప్రత్యేక ఐఏఎస్ అధికారిని కూడా నియమించాం. • Everything can wait, but not agriculture.. తొలి ప్రధాని నెహ్రూ మాటల్ని బలంగా విశ్వసిస్తున్నాం. • రుణమాఫీ హామికి “It always since impossible until it done” అని నెల్సన్ మండేలా చెప్పిన మాటలు అక్షరాల వర్తిస్తాయి. • కాంగ్రెస్ మాట ఇస్తే శిలాశాసనం అని రుణమాఫీతో రుజువైంది. • ప్రధాని ఫసల్ బీమా యోజన’ పథకంలో ఈ ఏడాది నుంచే చేరుతాం. ప్రీమియం కూడా రాష్ట్ర ప్రభుత్వమే భరిస్తుంది. • గత ప్రభుత్వం కుట్రపూరితంగా ‘ధరణి’ని చేసింది. • లోపభూయిష్టమైన ధరణి వల్ల చాలా మందికి రైతుబంధు, రైతుబీమాలను కూడా చాలామంది రైతులు అందుకోలేకపోయారు. • ధరణి పోర్టల్ వల్ల వచ్చే సమస్యల పరిష్కారానికి ఒక కమిటీని వేసాం. • కమిటీ అధ్యయనం పూర్తయ్యాక సరైన నిర్ణయం తీసుకుంటాం. • 72,659 కోట్ల రూపాయలను వ్యవసాయ రంగానికి ప్రతిపాదిస్తున్నాం. దేశ చరిత్రలో వ్యవసాయ రంగానికి ఇదొక మైలురాయి.

తెలంగాణ అసెంబ్లీలో మాజీ సీఎం కేసీఆర్ హాజరు

— బీఆర్ఎస్ అధినేత, మాజీ సీఎం కేసీఆర్ తెలంగాణ అసెంబ్లీకి హాజరయ్యారు. అసెంబ్లీలో బడ్జెట్ ప్రవేశపెడుతున్న సందర్భంగా విపక్ష నేతగా తొలిసారి సభకు వచ్చారు. తెలంగాణ ఏర్పాటు తర్వాత తొలి సీఎంగా పగ్గాలు చేపట్టిన కేసీఆర్.. పదేళ్ల పాటు రాష్ట్రాన్ని పరిపాలించారు. 2023లో జరిగిన ఎన్నికల్లో బీఆర్ఎస్ అధికారం కోల్పోయి విపక్షానికి పరిమితమైంది. దీంతో కేసీఆర్ ప్రతిపక్ష నేత స్థానంలో కూర్చుకున్నారు.

— హైదరాబాద్ నందినగర్‌ నుంచి అసెంబ్లీకి బయలుదేరుతుండగా కేసీఆర్‌ వాహనానికి దిష్టితీశారు. తన నివాసం దగ్గర నుంచి బయలుదేరుతుండగా అభిమానులు గుమ్మడికాయ కొట్టారు.

తెలంగాణ బడ్జెట్..

తెలంగాణ పూర్తి స్థాయి బడ్జెట్ 2,91,159కోట్లు.

తెలంగాణ ఏర్పాటు నాటికి 75577కోట్ల అప్పు..

ఈ ఏడాది డిసెంబర్ 6లక్షల 71 వేల కోట్ల కు చేరింది..

కాంగ్రెస్ ప్రభుత్వం వచ్చాక 42 వేల కోట్ల బకాయిలు చెల్లింపు..

వివిధ రంగాలకు కేటాయింపు కోట్లలో..

వ్యవసాయం ,అనుబంధ రంగాలకు-72,659

హార్టికల్చర్-737

పశుసంవర్ధక శాఖ-19080

మహాలక్ష్మి ఉచిర రవాణా-723

గృహజ్యోతి-2418

ప్రజాపంపిణీ వ్యవస్థ-3836

పంచాయతీ రాజ్-29816

మహిళా శక్తి క్యాంటిన్ -50

హైదరాబాద్ అభివృద్ధి-10,000

జీహెఎంసీ-3000

హెచ్ ఎండీఏ-500

మెట్రో వాటర్-3385

హైడ్రా-200

ఏయిర్పోట్ కు మెట్రో-100

ఓఆర్ ఆర్ -200

హైదరాబాద్ మెట్రో-500

ఓల్డ్ సిటీ మెట్రో-500

మూసీ అభివృద్ధి-1500

రీజినల్ రింగ్ రోడ్డు-1500

స్ర్తీ ,శాశు -2736

ఎస్సీ ,ఎస్టీ సంక్షేమం-17000

మైనారిటీ సంక్షేమం-3000

బీసీ సంక్షేమం-9200

వైద్య ఆరోగ్యం-11468

విద్యుత్-16410

అడవులు ,పర్యావరణం-1064

ఐటి-774

నీటి పారుదల -22301

విద్య-21292

హోంశాఖ-9564

ఆర్ అండ్ బి-5790

తెలంగాణ పద్దు

తెలంగాణ అసెంబ్లీలో వార్షిక బడ్జెట్‌ను డిప్యూటీ సీఎం భట్టీ విక్రమార్క ప్రవేశపెట్టారు. వ్యవసాయ రంగానికే అధిక నిధులు కేటాయింపు ఉన్నట్టు తెలుస్తోంది.

బడ్జెట్‌కు ఆమోదం తెలిపిన తెలంగాణ కేబినెట్‌

— బడ్జెట్‌కు ఆమోదం తెలిపిన తెలంగాణ కేబినెట్‌ — మ.12గంటలకు శాసనసభలో బడ్జెట్ ప్రవేశపెట్టనున్న భట్టి — శాసనమండలిలో బడ్జెట్ ప్రవేశపెట్టనున్న శ్రీధర్‌బాబు — ఈసారి రూ.2.97 లక్షల కోట్ల బడ్జెట్‌ ఉండే అవకాశం — అభివృద్ధి, సంక్షేమమే లక్ష్యంగా బడ్జెట్‌ తయారీ — 6 గ్యారంటీలకు భారీగా నిధులు కేటాయించే అవకాశం — బడ్జెట్‌ సందర్భంగా అసెంబ్లీకి హాజరుకానున్న కేసీఆర్

తొలిసారి ప్రతిపక్షనేత హోదాలో సభకు కేసీఆర్

— అసెంబ్లీకి బయలుదేరిన మాజీ సీఎం కేసీఆర్ — బడ్జెట్‌ సందర్భంగా సభకు హాజరు — తొలిసారి ప్రతిపక్షనేత హోదాలో సభకు కేసీఆర్ — అసెంబ్లీలో బడ్జెట్‌ ప్రసంగం ముగిసిన వెంటనే.. — కాళేశ్వరం బయల్దేరనున్న BRS ఎమ్మెల్యేలు,ఎమ్మెల్సీలు — అసెంబ్లీ నుంచి ప్రత్యేక బస్సులో వెళ్లనున్న బృందం — ఎల్‌ఎండీ రిజర్వాయర్‌ను సందర్శించనున్న నేతలు — రేపు కన్నెపల్లి పంప్‌హౌస్‌, మేడిగడ్డ సందర్శన

కాసేపట్లో తెలంగాణ అసెంబ్లీలో వార్షిక బడ్జెట్

— కాసేపట్లో తెలంగాణ అసెంబ్లీలో వార్షిక బడ్జెట్ — శాసనసభలో బడ్జెట్ ప్రవేశపెట్టనున్న భట్టి — శాసనమండలిలో బడ్జెట్ ప్రవేశపెట్టనున్న శ్రీధర్‌బాబు — రూ.2.97 లక్షల కోట్లతో బడ్జెట్‌ ఉండే అవకాశం — అభివృద్ధి, సంక్షేమమే లక్ష్యంగా బడ్జెట్‌ తయారీ — 6 గ్యారంటీలకు భారీగా నిధులు కేటాయించే అవకాశం — బడ్జెట్‌ సందర్భంగా అసెంబ్లీకి మాజీ సీఎం కేసీఆర్