Telangana CM KCR Press Meet High Lights: ధాన్యం కొనుగోలు, 111 జీవోపై తెలంగాణ కేబినెట్ కీలక నిర్ణయం..!

కరోనా సందర్భంలో జరిగిన పరిణామాల నేపథ్యంలో 7వేల పైచిలుకు కొనుగోలు కేంద్రాలు గ్రామాల్లోనే ఏర్పాటు చేసి ధాన్యం కొనుగోలు చేసి మూడు.. నాలుగు రోజుల్లో రైతు ఖాతాల్లో డబ్బులు జమ చేశామని ముఖ్యమంత్రి తెలిపారు.

ప్రపంచంలో ఎక్కడా లేని విధంగా సాగుకు పెట్టుబడి ఇస్తున్నాం. సాగు ఖర్చుల కోసం ఎకరానికి రూ.10 వేలు ఇస్తున్నాం. ఎలాంటి పైరవీలు లేకుండా రైతులకు అందిస్తున్నామని సీఎం కేసీఆర్ వెల్లడించారు.

ఆన్‌గోయింగ్‌ పెండింగ్‌ ప్రాజెక్టులు సత్వరం పూర్తి చేయడం, మిషన్‌ కాకతీయ పూర్తి చేయడం, రీఇంజినీరింగ్‌ చేసి భారీ ప్రాజెక్టులకు శ్రీకారం చుట్టి వరల్డ్‌ లార్జెస్ట్‌ మల్టీ ఇరిగేషన్‌ స్కీం పూర్తి చేశాం. వాటి ఫలితాలు కూడా అందుతున్నాయి.

అనేక దశాబ్దాల పోరాటం తర్వాత సాధించుకున్న తెలంగాణ రాష్ట్రంలో పక్కా ప్రణాలికతో కీలక నిర్ణయాలు తీసుకున్నామని కేసీఆర్ తెలిపారు. అనేక ఉద్దీపనలు సమకూర్చడం జరిగింది. మిషన్‌ కాకతీయతో అద్భుతమైన ఫలితాలు వచ్చాయి. అందులో భాగంగా కోతలు లేకుండా 24 గంటలు నాణ్యమైన విద్యుత్‌ అందిస్తున్నామని సీఎం వెల్లడించారు.

సమైక్య రాష్ట్రంలో అత్యంత బాధాకరంగా నలిగిపోయి, చితికిపోయిన రంగం వ్యవసాయ రంగం. తెలంగాణ ఏర్పడ్డాక సాగునీటి రంగంపై ప్రత్యేక దృష్టి పెట్టాం.

రాష్ట్రంలోని యూనివర్సిటీల్లో 3,500 పోస్టుల భర్తీకి విద్యాశాఖ ఆధ్వర్యంలో కామన్‌ బోర్డు ఏర్పాటు చేసి టీచింగ్‌, నాన్‌ టీచింగ్‌ పోస్టులు పారదర్శకంగా భర్తీ చేయాలని రాష్ట్ర మంత్రి మండలి నిర్ణయించింది.

6 కొత్త ప్రైవేట్ యూనివర్సిటీలకు అనుమతికి రాష్ట్ర కేబినెట్ ఆమోదం తెలిపింది. సంబంధిత మంత్రులే ఉత్తర్వులు జారీ చేయాలని ఆదేశించినట్లు సీఎం చెప్పారు.

గతంలో ఇచ్చిన హామీ మేరకు జీవో 111ను ఎత్తివేస్తున్నట్లు ముఖ్యమంత్రి కేసీఆర్ తెలిపారు.

సీఎం కేసీఆర్ సంచలన నిర్ణయం తీసుకున్నారు. వరి ధాన్యం కొనుగోలుపై కేబినెట్ సమావేశంలో చర్చించిన అనంతరం ఈ వ్యవహారంపై ఎట్టకేలకు తేల్చేశారు. ప్రభుత్వమే వడ్లు కొనుగోలు చేస్తుందని ముఖ్యమంత్రి కేసీఆర్ ప్రకటించారు.

చెన్నూరు ఎత్తిపోతల పథకానికి మంత్రి మండలి ఆమోదముద్ర వేసింది. రూ.1658కోట్లతో చెన్నూరు ఎత్తిపోతలు నిర్మించాలని నిర్ణయించారు. ఈ ఎత్తిపోతల పథకంతో ఐదు మండలాల్లోని 103 గ్రామాలకు తాగు, సాగునీరు అందనున్నది. చెన్నూరు ఎత్తిపోతలకు పది టీఎంసీల కాళేశ్వరం జలాలను వినియోగించాలని కేబినెట్‌ నిర్ణయించింది

తెలంగాణ కేబినెట్‌ సమావేశం ముగిసింది. సీఎం కేసీఆర్‌ అధ్యక్షతన ప్రగతి భవన్‌లో మంగళవారం సమావేశం అయ్యింది. ఈ సందర్భంగా పలు కీలక అంశాలపై సీఎం, మంత్రులు చర్చించి ఆమోదముద్ర వేశారు. పల్లె ప్రగతి, పట్టణ ప్రగతి కార్యక్రమాలను మరోసారి నిర్వహించాలని కేబినెట్‌ నిర్ణయించింది. ఈ సందర్భంగా పలు పనులకు కేబినెట్‌ ఆమోదం తెలిపింది. చెన్నూరు ఎత్తిపోతల పథకానికి మంత్రి మండలి ఆమోదముద్ర వేసింది.

తెలంగాణ ముఖ్యమంత్రి కేసీఆర్‌ ప్రగతి భవన్‌ నుంచి మీడియాతో మాట్లాడుతున్నారు.

సుదీర్ఘంగా కొనసాగుతోంది రాష్ట్ర కేబినెట్. పలు కీలక అంశాలపై చర్చ జరుగుతోంది. ఉధ్యోగాల నోటిఫికేషన్స్, 111 జీవో అమలుపై చర్చించే అవకాశం ఉన్నట్లు సమాచారం. దళిత బందు పధకం అమలవుతున్న పరిస్థితులు, మన ఊరు మన బడి కార్యక్రమం, వానాకాలంలో రైతులు పండించే పంటలపై రైతాంగానికి సూచనలు చేయడం, గవర్నర్ ప్రోటోకాల్‌పై వస్తున్న ఫిర్యాదులు, తాజా రాజకీయాలపై ఈ సమావేశంలో చర్చిస్తున్నట్లు సమాచారం.

రైతుల నుంచి ధాన్యం కొనుగోలు చేసి.. రైస్ మిల్లర్లకు ఇచ్చే ఆలోచనలో ప్రభుత్వం ఉన్నట్లు సమాచారం. అలా చేస్తే రాష్ట్ర ప్రభుత్వానికి వచ్చే నష్టంపై కేబినెట్ చర్చించిన అనంతరం నిర్ణయం తీసుకోనున్నట్లు తెలుస్తోంది.

ముఖ్యమంత్రి కేసీఆర్ అధ్యక్షతన ప్రగతిభవన్‌లో మంత్రివర్గ సమావేశం కొనసాగుతోంది. 111 జీవో అమలుపై రాష్ట్ర కేబినెట్ కీలక నిర్ణయం తీసుకోబోతున్నట్లు సమాచారం.

సీఎం కేసీఆర్ అధ్యక్షతన రాష్ట్ర కేబినెట్ కీల‌క నిర్ణయాలు తీసుకుంది. మే 20నుంచి.. జూన్ 5వ‌ర‌కు ప‌ల్లె, ప‌ట్టణ ప్రగ‌తిని చేప‌ట్టాల‌ని నిర్ణయించింది స‌ర్కార్. ప్రజా ప్రతినిధులతో పాటు అధికారులందరూ విధిగా పాల్గొనాలని కేబినెట్ ఆదేశించింది.

కేబినెట్ స‌మావేశంలో తాజా రాజ‌కీయ ప‌రిణామాల‌తో పాటు ప‌లు అంశాల‌పై చ‌ర్చించిస్తున్నట్లు సమాచారం.  కేబినెట్ భేటీ అనంత‌రం సీఎం కేసీఆర్ మీడియా స‌మావేశం జ‌ర‌గ‌నున్న‌ట్లు స‌మాచారం.

కేంద్రానికి విధించిన డెడ్‌లైన్ ముగియడంతో వరం కోసం పోరు కోసం కేసీఆర్ కేబినెట్ ఏ నిర్ణయం తీసుకుంటారో నని అందరిలోనూ ఉత్కంఠ నెలకొంది. తెలంగాణ ప్రభుత్వం ధాన్యం కొనుగోలు చేస్తుందా ? లేక మిల్లర్లతో ప్రభుత్వమే కొనుగోలు చూపిస్తుందా ? అనే దానిపై ఇవాళ సాయంత్రం కీలక ప్రకటన రానుంది.

తెలంగాణ రాష్ట్ర కేబినెట్ సమావేశం కొనసాగుతోంది. సీఎం అధ్యక్షతన కేబినెట్ సమావేశం జరుగుతోంది. ఈ సమావేశానికి తెలంగాణ మంత్రులు, వ్యవసాయ అధికారులు ఇతరులు అందరూ పాల్గొన్నారు. తెలంగాణ రాష్ట్రం లో పండిన ధాన్యం కొనుగోళ్లపై కేబినెట్ చర్చిస్తోంది.

తెలంగాణ ముఖ్యమంత్రి కే.చంద్రశేఖర్ రావు అధ్యక్షతన ప్రగతి భవన్‌లో కొనసాగుతోంది. ధాన్యం కొనుగోలు విషయంలో కేంద్రంపై గుర్రుగా ఉన్న సీఎం కేసీఆర్.. ఏకంగా ఢిల్లీ వేదికగా గట్టిగానే స్వరం వినిపించారు. వడ్ల కోనుగోలు కోసం కేంద్రానికి విధించిన డెడ్‌లైన్ ముగియడంతో మంత్రి వర్గ సమావేశంలో కీలక నిర్ణయం తీసుకోనున్నారు.