Vivo WATCH 6: 100+ స్పోర్ట్స్ మోడ్లు.. 14 హెల్త్ మెట్రిక్స్.. టైటానియం వేరియంట్ ధర ఎంతో తెలుసా?
వివో వేరబుల్ విభాగంలో కొత్త స్మార్ట్వాచ్ను తీసుకొచ్చింది. vivo WATCH 6 పేరుతో వచ్చిన ఈ వాచ్లో 1.47 అంగుళాల AMOLED డిస్ప్లే, 3500 నిట్స్ పీక్ బ్రైట్నెస్ ఉన్నాయి. హెల్త్ ట్రాకింగ్, 100కి పైగా స్పోర్ట్స్ మోడ్లు, eSIM కాలింగ్ వంటి ఫీచర్లు ప్రత్యేక ఆకర్షణగా ఉన్నాయి. లైట్ యూజ్లో 21 రోజుల వరకు బ్యాటరీ బ్యాకప్ అందిస్తుందని కంపెనీ చెబుతోంది. స్టీల్, టైటానియం వేరియంట్లు కూడా అందుబాటులో ఉన్నాయి.
స్మార్ట్వాచ్లో హెల్త్ ట్రాకింగ్తో పాటు ఫోన్కు స్వతంత్రంగా పనిచేసే సదుపాయం కోరుకునేవారికి ఈ కొత్త వాచ్ ఆసక్తికరంగా ఉంది. eSIM సపోర్ట్తో ఫోన్ లేకుండానే కాల్స్, మెసేజ్లు చేసుకోవచ్చు. 100కి పైగా వర్కౌట్ మోడ్లు, డ్యూయల్-ఫ్రీక్వెన్సీ GNSS, హార్ట్ రేట్, SpO2, నిద్ర, ఒత్తిడి పర్యవేక్షణ వంటి ఫీచర్లు ఇందులో ఉన్నాయి. 3500 నిట్స్ స్క్రీన్, సాఫైర్ గ్లాస్ రక్షణ కూడా ఉన్నాయి. బ్యాటరీ కూడా ఎక్కువగా పనిచేస్తుంది.
3500 నిట్స్ AMOLED డిస్ప్లే
ఈ వాచ్లో 1.47 అంగుళాల AMOLED స్క్రీన్ ఉంది. ఇది 60Hz రిఫ్రెష్ రేట్, 3500 నిట్స్ పీక్ బ్రైట్నెస్తో వస్తుంది. 85.8% స్క్రీన్-టు-బాడీ రేషియోతో అల్ట్రా-నారో బెజెల్స్ అందించారు. స్క్రీన్కు సాఫైర్ గ్లాస్ రక్షణ ఉంది. టైటానియం, స్టెయిన్లెస్ స్టీల్ వేరియంట్లు అందుబాటులో ఉన్నాయి.
వర్కౌట్ల కోసం 100కి పైగా మోడ్లు ఉన్నాయి. డ్యూయల్-ఫ్రీక్వెన్సీ GNSS ద్వారా ట్రాకింగ్ చేయవచ్చు. రన్నింగ్ కోచింగ్, AI పేసింగ్, సైక్లింగ్ డేటా, టెన్నిస్, బ్యాడ్మింటన్, టేబుల్ టెన్నిస్ గైడెన్స్ ఉన్నాయి. 80కి పైగా స్ట్రెంగ్త్ ట్రైనింగ్ కోర్సులు కూడా అందించారు.
eSIMతో ఫోన్ లేకుండానే కాల్స్
హెల్త్ ఫీచర్లలో 60 సెకన్లలో 14 హెల్త్ మెట్రిక్స్ చెక్ చేసే సదుపాయం ఉంది. హార్ట్ రేట్, SpO2, HRV, స్లీప్ ట్రాకింగ్, స్ట్రెస్ మానిటరింగ్, AFib, పల్ప్ వేవ్ అనాలిసిస్, బ్లడ్ ప్రెజర్ రిస్క్ ఎవాల్యుయేషన్ వంటి ఫీచర్లు ఉన్నాయి. eSIM, NFC సపోర్ట్తో ఫోన్ లేకుండానే కాల్స్, మెసేజ్లు చేసుకోవచ్చు. WeChat, NFC పేమెంట్స్, Alipay, ట్రాన్సిట్ కార్డులు, కార్ కీలు వంటి సదుపాయాలు కూడా ఉన్నాయి.
లైట్ యూజ్లో 21 రోజులు, రెగ్యులర్ యూజ్లో 10 రోజులు, ఆల్వేస్ ఆన్ డిస్ప్లేలో 6 రోజులు, eSIM మోడ్లో 4 రోజుల బ్యాటరీ వస్తుంది. పూర్తి ఛార్జింగ్కు సుమారు 2 గంటలు పడుతుంది. బ్లూటూత్ వర్షన్ ధర 999 యువాన్ (సుమారు రూ.14,295). eSIM స్టీల్ వేరియంట్ 1399 యువాన్ (సుమారు రూ.20,020), eSIM టైటానియం వేరియంట్ 1999 యువాన్ (సుమారు రూ.28,605). సెప్టెంబర్ 28 నుంచి సేల్ ప్రారంభమవుతుంది.