Driving License Renew: మీ డ్రైవింగ్ లైసెన్స్ గడువు ముగిసిందా? ఆన్‌లైన్‌లో ఇలా రెన్యూవల్‌ చేసుకోండి

Driving License Renew: ప్రపంచవ్యాప్తంగా కారు లేదా ఏదైనా వాహనాన్ని నడపడానికి ట్రాఫిక్ నియమాలను పాటించడం అవసరం. వాహనదారులకు వాహనానికి సంబంధించి డాక్యుమెంట్లు, పోల్యూషన్‌ సర్టిఫికేట్‌, డ్రైవింగ్ లైసెన్స్ మొదలైనవి అవసరం. వీటన్నింటిలో డ్రైవింగ్ లైసెన్స్ అత్యంత ముఖ్యమైన, ప్రాథమిక పత్రం, అది లేకుండా మీరు మీ వాహనాన్ని రోడ్డుపైకి తీసుకెళ్లలేరు. అటువంటి పరిస్థితిలో మీ డ్రైవింగ్ లైసెన్స్ గడువు ముగిసి ఉంటే, వెంటనే దాన్ని రెన్యూవల్‌ చేసుకోవడం చాలా ముఖ్యం.

మీ డ్రైవింగ్ లైసెన్స్ కాలక్రమేణా గడువు ముగియడం సర్వసాధారణమే అయినప్పటికీ, దానిని రెన్యూవల్‌ చేయడం ముఖ్యం. ఎక్కువ కాలం గడువు ముగియనివ్వడం వల్ల మీ డ్రైవింగ్ లైసెన్స్ రద్దు కావచ్చు, దీనివల్ల అనవసరమైన ఇబ్బందులు తలెత్తవచ్చు. మీరు జరిమానా చెల్లించాల్సి రావచ్చు. మళ్ళీ కొత్త లైసెన్స్ కోసం దరఖాస్తు చేసుకోవాల్సి రావచ్చు. మళ్ళీ కొత్త లైసెన్స్ పొందడానికి అవసరమైన మొత్తం ప్రక్రియను కూడా పూర్తి చేయాల్సి రావచ్చు. దీన్ని ఎలా పునరుద్ధరించాలో తెలుసుకుందాం.

1. పునరుద్ధరణకు గ్రేస్ పీరియడ్

భారతదేశంలో డ్రైవింగ్ లైసెన్స్ నిర్ణీత కాలానికి జారీ చేస్తారు. దాని చెల్లుబాటు గడువు ముగిసిన తర్వాత దాన్ని పునరుద్ధరించడానికి మీకు 30 రోజుల గ్రేస్ పీరియడ్ ఉంటుంది. 30 రోజుల్లోపు పునరుద్ధరించుకుంటే రెన్యూవల్‌ చేసుకునేందుకు రుసుము రూ. 400. మీరు 30 రోజుల తర్వాత పునరుద్ధరించుకుంటే మీరు రూ.1500 వరకు ఆలస్య రుసుము చెల్లించాల్సి రావచ్చు.

2. లైసెన్స్ చెల్లుబాటు

మోటారు వాహనాల చట్టం ప్రకారం.. భారతదేశంలో డ్రైవింగ్ లైసెన్స్ పరిమిత కాలానికి చెల్లుతుంది. ప్రారంభంలో డ్రైవింగ్ లైసెన్స్ 40 సంవత్సరాలు చెల్లుతుంది. అలాగే ఆ తర్వాత ప్రతి 10 సంవత్సరాలకు ఒకసారి దానిని పునరుద్ధరించుకోవాలి. మీకు 50 ఏళ్లు నిండినప్పుడు పునరుద్ధరణ వ్యవధి 5 ​సంవత్సరాలకు తగ్గింపు ఉంటుంది. మీరు చెల్లుబాటు గడువు ముగిసిన ఒక సంవత్సరం లోపు మీ లైసెన్స్‌ను పునరుద్ధరించకపోతే అది రద్దు అవుతుంది. మీరు కొత్త లైసెన్స్ కోసం దరఖాస్తు చేసుకునే మొత్తం ప్రక్రియను అనుసరించాల్సి ఉంటుంది.

3. మీ డ్రైవింగ్ లైసెన్స్‌ను ఎలా పునరుద్ధరించాలి

మీ డ్రైవింగ్ లైసెన్స్‌ను రెన్యూవల్‌ చేసుకోవడానికి మీరు మళ్లీ మళ్లీ తిరగాల్సిన అవసరం లేదు. మీరు ఈ పనిని ఆన్‌లైన్‌లో కూడా చేయవచ్చు.

1. ముందుగా రవాణా శాఖ వెబ్‌సైట్‌కి వెళ్లండి. మీరు మీ రాష్ట్ర రవాణా శాఖ అధికారిక వెబ్‌సైట్‌ను సందర్శించాలి.

2. అప్లై ఆన్‌లైన్ పై క్లిక్ చేయండి. మీరు ఆన్‌లైన్‌లో దరఖాస్తు చేసుకోవాలనుకుంటే ఈ ఆప్షన్‌పై క్లిక్ చేయాలి.

3. డ్రైవింగ్ లైసెన్స్ సంబంధిత సేవలపై క్లిక్ చేయండి.

4. జాబితాలో ఇచ్చే మీ రాష్ట్రాన్ని ఎంచుకోండి.

5. “డ్రైవింగ్ లైసెన్స్‌లో సేవలను ఎంచుకోండి”పై క్లిక్ చేయండి. డ్రైవింగ్ లైసెన్స్‌కు సంబంధించిన వివిధ సేవలతో కొత్త పేజీ ఓపెన్‌ అవుతుంది.

6. దరఖాస్తు ఫారమ్ నింపండి. మీ పుట్టిన తేదీ, లైసెన్స్ నంబర్, ఇతర అవసరమైన సమాచారం వంటి అవసరమైన వివరాలతో దరఖాస్తు ఫారమ్‌ను పూర్తి చేయండి.

7. పునరుద్ధరణ ఎంపికను ఎంచుకోండి. అందుబాటులో ఉన్న సేవల జాబితా నుండి రెన్యూవల్‌కు సంబంధించి రెన్యూవల్‌ ఆప్షన్‌ ఉంటుంది.

8. అవసరమైన పత్రాలను అప్‌లోడ్ చేయండి. మీ ఇటీవలి ఫోటో, సంతకాన్ని అప్‌లోడ్ చేయండి.

9. ఆన్‌లైన్‌లో చెల్లింపు చేయండి. రెన్యూవల్‌ రుసుము చెల్లింపు ప్రక్రియను పూర్తి చేయాలి.

ఈ దశలను అనుసరించడం ద్వారా మీరు మీ డ్రైవింగ్ లైసెన్స్‌ను ఆన్‌లైన్‌లో సులభంగా పునరుద్ధరించవచ్చు.

4. లైసెన్స్ పునరుద్ధరణకు కావాల్సిన పత్రాలు:

ఆన్‌లైన్ ప్రక్రియను ప్రారంభించే ముందు కింద పేర్కొన్న పత్రాలను సిద్ధంగా ఉంచుకోండి.

• గడువు ముగిసిన డ్రైవింగ్ లైసెన్స్
• పాస్‌పోర్ట్ సైజు ఫోటో
• మీ సంతకంతో ఫోటో
• గుర్తింపు కార్డు
• చిరునామా రుజువు

మీ డ్రైవింగ్ లైసెన్స్‌ను సకాలంలో పునరుద్ధరించడం ద్వారా మీరు జరిమానాలు, అనేక సమస్యలను నివారించవచ్చు. ఇది మాత్రమే కాదు మీ చట్టపరమైన డ్రైవింగ్ అధికారాలు కూడా చెక్కుచెదరకుండా ఉంటాయి.

మరిన్ని టెక్ వార్తల కోసం ఇక్కడ క్లిక్ చేయండి