EuroSport Commentator Bob Ballard Comments: ఆదివారం (AEST) 4x100m ఫ్రీస్టైల్ రిలేలో ఆస్ట్రేలియా స్వర్ణ పతకాన్ని సాధించింది. అయితే, ఈ మ్యాచ్ లైవ్లో ఓ వ్యాఖ్యత ఘోర తప్పిదం చేశాడు. దీంతో ఏకంగా ఒలింపిక్స్ కవరేజీ నుంచి తప్పించారు. ఆ వివరాలేంటో ఓసారి చూద్దాం.. యూరోస్పోర్ట్ వ్యాఖ్యాత బాబ్ బల్లార్డ్ సోమవారం (AEST) 2024 పారిస్ ఒలింపిక్స్ లైవ్ కవరేజీ చేస్తున్నాడు. ఆస్ట్రేలియా రిలే జట్టు తమ విజయాన్ని సెలబ్రేట్ చేసుకుంటున్నారు. ఈ క్రమంలో బల్లార్డ్ మాట్లాడుతూ “ ఓకే.. మహిళలు మీ పని పూర్తి చేశారు. మహిళలు ఎలా ఉంటారో తెలిసిందేగా.. మేకప్ వేసుకుంటూ, ఖాళీగా ఉంటారు’ అంటూ చెప్పుకొచ్చాడు. దీంతో ఈ అనుచిత వ్యాఖ్యలు వైరల్ అయ్యాడు. ప్రపంచ వ్యాప్తంగా ఈయన మాటలపై విమర్శలు గుప్పించారు. దీంతో యూరోస్పోర్ట్ వ్యాఖ్యాత బాబ్ బల్లార్డ్పై కీలక నిర్ణయం తీసుకునేలా చేశాయి. ఈ క్రమంలో ఒలింపిక్స్ కవరేజీ విధుల నుంచి తప్పించినట్లు యూరోస్పోర్ట్ పేర్కొంది.
4×100 మీటర్ల ఫ్రీస్టైల్ రిలేలో ఆస్ట్రేలియా జట్టు 3:28.92 సమయంతో స్వర్ణం చేజిక్కించుకుంది. ఆస్ట్రేలియన్ జట్టు ఆ దేశ అభిమానులకు విజయవంతమైన రోజును అందించారు. ఈ విజయంతో ఈ ఈవెంట్లో ఆస్ట్రేలియా వరుసగా నాలుగో విజయం సాధించింది. అమెరికా, చైనాలు వరుసగా రెండు, మూడు స్థానాల్లో నిలిచాయి.
మరిన్ని క్రీడా వార్తల కోసం ఇక్కడ క్లిక్ చేయండి..