Hardik Pandya: నువ్వులేని ఇళ్లు కళా విహీనంగా ఉంది నాన్నా.. సోషల్ మీడియాలో ఉద్వేగ భరిత పోస్ట్ చేసిన హార్దిక పాండ్య..

Hardik Pandya: టీమిండియా ఆల్ రౌండర్ హార్దిక్ పాండ్యా తండ్రి హిమాన్షు పాండ్యా ఇటీవల హఠాన్మరణం చెందిన విషయం తెలిసిందే.

Updated on: Jan 24, 2021 | 7:51 PM

Hardik Pandya: టీమిండియా ఆల్ రౌండర్ హార్దిక్ పాండ్యా తండ్రి హిమాన్షు పాండ్యా ఇటీవల హఠాన్మరణం చెందిన విషయం తెలిసిందే. ఆయన మృతిపట్ల హార్దిక్ పాండ్య తీవ్ర మనోవేదనను అనుభవిస్తున్నాడు. తన తండ్రి దూరమవటాన్ని తట్టుకోలేకపోతున్న పాండ్యా.. తాజాగా సోషల్ మీడియాలో ఉద్వేగ భరిత పోస్ట్ చేశాడు. హార్దిక్ పాండ్యా తన తండ్రితో గడిపిన క్షణాలను, మధురమైన స్మృతులను గుర్తు చేసుకుంటూ నివాళులర్పించాడు. తండ్రితో గడిపిక మధుర క్షణాలకు సంబంధించి తాజాగా సోషల్ మీడియాలో ఓ వీడియో పోస్ట్ చేశాడు. ఆ వీడియో అందరి హృదయాలను కదిలిస్తోంది. చిన్నప్పుడు తన తండ్రితో కలిసి ఉన్న ఫోటోలు మొదలు హిమాన్షు పాండ్య చివరి రోజుల నాటి ఫోటోలు అన్నీ అందులో ఉన్నాయి.

కాగా దానికి ముందు ‘నా హీరో.. మా నాన్నకు’ అంటూ ప్యాండా మరో పోస్ట్ చేశాడు. ‘నిన్ను కోల్పోవడం జీవితంలో అతిపెద్ద లోటు. అయితే నీవు మాకోసం ఎన్నో మధుర స్మృతులను వదిలి వెళ్లావు. అవి ఎప్పటికీ మాతో పదిలంగా ఉంటాయి. మేము ఈ స్థాయిలో ఉన్నామంటే అది మీ కృషి, మీ శ్రమ వల్లే. మీరు లేని ఈ ఇల్లు కళాహీనంగా ఉంది. మీరంటే మాకు చాలా ఇష్టం. మీ పేరును నిలబెడతాం నాన్న. మీరు ఇక్కడ మమ్మల్ని ఎలాగైతే చూశారో.. పై నుంచి కూడా అలాగే చూసుకుంటారని ఆశిస్తున్నాం. మీ ఆత్మకు శాంతి కలగాలి నాన్న. వి మిస్ యూ, వి లవ్ యూ నాన్న’ అంటూ ఉధ్వేగ పూరితమైన సందేశాన్ని హార్దిక్ పాండ్య పోస్ట్ చేశాడు. కాగా, ఈనెల 16వ తేదీన హార్దిక్ పాండ్య తండ్రి హిమాన్షు పాండ్య గుండెపోటుతో మృతి చెందిన విషయం తెలిసిందే.