Video: ప్రధాని నరేంద్ర మోదీతో యూనివర్సల్ బాస్.. ఎందుకో తెలుసా?

Chris Gayle: వెస్టిండీస్ తరపున 483 మ్యాచ్‌లు ఆడిన క్రిస్ గేల్ 551 ఇన్నింగ్స్‌ల్లో బ్యాటింగ్ చేశాడు. 42 సెంచరీలు, 105 అర్ధసెంచరీలతో 19817 పరుగులు చేశాడు. దీంతో అంతర్జాతీయ క్రికెట్‌లో వెస్టిండీస్ తరపున అత్యధిక పరుగులు చేసిన మూడో బ్యాట్స్‌మెన్‌గా నిలిచాడు.

వెస్టిండీస్ క్రికెట్ దిగ్గజం క్రిస్ గేల్ భారత ప్రధాని నరేంద్ర మోదీని కలిశారు. జమైకా ప్రధాని ఆండ్రూ హోల్‌నెస్‌ భారత్‌లో పర్యటించగా, గేల్‌ కూడా ఆయనతో పాటు వచ్చారు. ప్రధాని మోదీని కలిసిన క్రిస్ గేల్.. ఆయనతో కలిసి ఓ వీడియోను సోషల్ మీడియాలో షేర్ చేశాడు.

భారత ప్రధాని నరేంద్ర మోదీని కలవడం గౌరవంగా భావించారు. ‘జమైకా టు ఇండియా’ అనే క్యాప్షన్‌తో పాటు ‘వన్‌లవ్‌’ అనే హ్యాష్‌ట్యాగ్‌తో వీడియోను గేల్ సోషల్ మీడియాలో షేర్ చేశాడు.

క్రిస్ గేల్ కూడా జమైకాకు చెందినవాడు. ప్రధాన మంత్రి ఆండ్రూ హోల్‌నెస్‌తో నాలుగు రోజుల పర్యటన కోసం న్యూ ఢిల్లీకి చేరుకున్నాడు. ప్రత్యేకించి, ద్వైపాక్షిక చర్చల కోసం జమైకన్ నాయకుడు భారత్‌కు రావడం ఇదే తొలిసారి.

జమైకా ప్రధాని ఈ పర్యటనలో భారతీయులకు సుపరిచితుడైన యూనివర్స్ బాస్ ఫేమ్ క్రిస్ గేల్‌ను కూడా చేర్చుకున్నారు. ఎందుకంటే, జమైకాకు చెందిన గేల్ కేవలం ఆటగాడు మాత్రమే కాదు.. కరేబియన్ దీవికి చిహ్నంగా గుర్తింపు పొందాడు. క్రిస్ గేల్‌కు భారతదేశంలో కూడా భారీ అభిమానులు ఉన్నందున గౌరవప్రదంగా భారతదేశాన్ని సందర్శించాలని జమైకా ప్రధాని ఆండ్రూ హోల్‌నెస్ ఆహ్వానించారు.

మరిన్ని క్రీడా వార్తల కోసం ఇక్కడ క్లిక్ చేయండి..