Virat Kohli : 17 ఏళ్ల అంతర్జాతీయ కెరీర్లో విరాట్ కోహ్లీకి మాత్రమే సాధ్యమైన 17 ప్రపంచ రికార్డులివే

Virat Kohli : క్రికెట్ ప్రపంచంలో సువర్ణాక్షరాలతో లిఖించదగిన రోజు ఆగస్టు 18, 2008. ఎందుకంటే, ఈ రోజున ఒక సాధారణ కుర్రాడు క్రికెట్ ప్రపంచంలోకి అడుగుపెట్టి, తన అసాధారణ బ్యాటింగ్‌తో ఎన్నో రికార్డులను తిరగరాశాడు. అతనే టీమిండియా స్టార్ బ్యాట్స్‌మెన్ విరాట్ కోహ్లీ. ఈ ఆగస్టు 18తో కోహ్లీ అంతర్జాతీయ క్రికెట్‌లో 17 ఏళ్లు పూర్తి చేసుకున్నారు. క్రికెట్ ప్రపంచంలో ఒక చరిత్ర సృష్టించిన ఆటగాడు, సచిన్ టెండూల్కర్ తర్వాత అత్యుత్తమ బ్యాట్స్‌మన్‌గా కీర్తి పొందిన ఆటగాడు విరాట్ కోహ్లీ. సరిగ్గా 2008, ఆగస్టు 18న అరంగేట్రం చేసిన కోహ్లీ ఈ సుదీర్ఘ ప్రయాణంలో లెక్కలేనన్ని రికార్డులను తన పేరు మీద లిఖించుకున్నారు. ప్రస్తుతం కోహ్లీ టెస్ట్, టీ20 ఫార్మాట్‌ల నుండి రిటైర్ అయినప్పటికీ ఈ 17 ఏళ్లలో అతను సాధించిన కొన్ని అసాధారణ రికార్డులు ఇప్పటికీ ప్రపంచ రికార్డులుగా నిలిచి ఉన్నాయి. అవేంటో చూద్దాం.

17 ఏళ్లుగా కోహ్లీ నంబర్ 1గా నిలిచిన అసాధారణ రికార్డులు * గత 17 ఏళ్లలో అంతర్జాతీయ క్రికెట్‌లో అత్యధిక పరుగులు (27,599) సాధించిన బ్యాట్స్‌మెన్ విరాట్ కోహ్లీ. * అతను అంతర్జాతీయ క్రికెట్‌లో అత్యధిక హాఫ్ సెంచరీలు (143), సెంచరీలు (82) సాధించారు. * గత 17 ఏళ్లలో ఒకే దేశంపై అత్యధిక శతకాలు (7) సాధించిన రికార్డు కోహ్లీ పేరు మీద ఉంది. * అంతర్జాతీయ క్రికెట్‌లో అత్యధిక ఫోర్లు (2,721), మొత్తం బౌండరీలు (3,027) సాధించిన ఆటగాడు కోహ్లీ. * అత్యధికంగా ప్లేయర్ ఆఫ్ ది మ్యాచ్ అవార్డులు (69), ప్లేయర్ ఆఫ్ ది సిరీస్ అవార్డులు (21) గెలిచారు. * ఐసీసీ టోర్నమెంట్లలో అత్యధిక పరుగులు (3,954), 50+ స్కోర్లు (39) సాధించారు. * ఐసీసీ టోర్నమెంట్లలో అత్యధిక ప్లేయర్ ఆఫ్ ది మ్యాచ్ అవార్డులు (15), ప్లేయర్ ఆఫ్ ది సిరీస్ అవార్డులు (3) సాధించారు. అలాగే, అత్యధిక ఐసీసీ అవార్డులు (10) కూడా కోహ్లీకే దక్కాయి. * ఐసీసీ టోర్నమెంట్‌ల నాకౌట్ మ్యాచ్‌లలో అత్యధిక పరుగులు (1,024), అత్యధిక 50+ స్కోర్లు (10) కోహ్లీ సాధించారు. * ఐసీసీ టోర్నమెంట్ ఫైనల్స్‌లో అత్యధిక పరుగులు (411) సాధించారు. * కెప్టెన్‌గా గత 17 ఏళ్లలో అత్యధిక పరుగులు (12,883) సాధించారు. * కెప్టెన్‌గా అత్యధిక శతకాలు (41) నమోదు చేశారు. * కెప్టెన్‌గా అత్యధిక డబుల్ సెంచరీలు (7) సాధించారు. * కెప్టెన్‌గా అత్యధిక ప్లేయర్ ఆఫ్ ది మ్యాచ్ (27), ప్లేయర్ ఆఫ్ ది సిరీస్ (12) అవార్డులు గెలిచారు. * గెలిచిన మ్యాచ్‌లలో అత్యధిక పరుగులు (18,098) సాధించారు. * గెలిచిన మ్యాచ్‌లలో అత్యధిక హాఫ్ సెంచరీలు (88), అత్యధిక సెంచరీలు(58) సాధించారు. * గెలిచిన మ్యాచ్‌లలో అత్యధిక డబుల్ సెంచరీలు (6) సాధించారు. * ప్రపంచంలో అత్యధిక ఐసీసీ అవార్డులు (10) సాధించిన ఆటగాడు.

మరిన్ని క్రీడా వార్తల కోసం ఇక్కడ క్లిక్ చేయండి..