Sushila Meena: సచిన్ పోస్ట్ తో వైరల్ అయ్యింది. కట్ చేస్తే క్రీడా మంత్రినే క్లీన్ బౌల్డ్ చేసిన లేడీ జహీర్ ఖాన్!

Sachin And Sushila

సుశీల మీనా అనే 12 ఏళ్ల క్రికెట్ యువతిని ఇప్పుడు దేశమంతా చూస్తోంది. ఇటీవల సచిన్ టెండూల్కర్ తన వీడియోను షేర్ చేయడం ఆమె జీవితాన్ని పూర్తిగా మార్చేసింది. రాజస్థాన్‌లోని ప్రతాప్‌గఢ్ గ్రామానికి చెందిన ఈ ఎడమచేతి బౌలర్ తన సాధారణ శైలితోనే జహీర్ ఖాన్‌ను గుర్తుచేస్తోంది. ఈ వీడియో ద్వారా వైరల్ అయిన సుశీలపై క్రికెట్ ప్రపంచం కళ్లు పడ్డాయి.

రాజస్థాన్ క్రీడా మంత్రి రాజ్యవర్ధన్ రాథోడ్ కూడా ఆమె టాలెంట్‌ను మెచ్చుకుని నెట్స్‌లో ఆమె బౌలింగ్‌ను ఎదుర్కొనే ప్రయత్నం చేశారు. తన సహజమైన యాక్షన్‌తో రాజ్యవర్ధన్‌ను క్లీన్ బౌల్డ్ చేయడం, వారి నెట్ సెషన్‌లో ప్రత్యేక ఘట్టంగా నిలిచింది. ఈ సంఘటనను రాథోడ్ సోషల్ మీడియాలో తన అనుభవాన్ని పంచుకున్నారు.

సుశీల మూడేళ్ల క్రితం క్రికెట్‌పై ఆసక్తి కనబరిచింది. తగిన శిక్షణ లేకపోయినా, కోచ్ ఈశ్వర్‌లాల్ ఆమెకు బౌలింగ్‌ గురించి మెలకువలు నేర్పి గెలుపు దిశగా నడిపించారు. పాఠశాల చదువులతో పాటు క్రికెట్‌ను సమతుల్యం చేయడం సుశీలకు సవాల్‌లాగా ఉన్నా, ఆమె పట్టుదలతో ముందుకు సాగుతోంది.

సుశీల తండ్రి రత్న మీనా సచిన్ టెండూల్కర్‌కు కృతజ్ఞతలు తెలిపారు. “సచిన్ సర్ వీడియో షేర్ చేయడం వల్లే మా కూతురు ఈ స్థాయికి వచ్చింది” అని భావోద్వేగంతో తెలిపారు. సుశీలకు సరైన శిక్షణ, అవకాశాలు ఉంటే, భవిష్యత్‌లో భారత మహిళా క్రికెట్‌లో ఆమె ప్రత్యేక స్థానాన్ని సంపాదిస్తుందనడం సందేహం లేదు.