Mohammad Siraj Greatest Spell in ODI Cricket: అది సెప్టెంబర్ 17, 2023.. ఆర్ ప్రేమదాస గ్రౌండ్లో జరిగిన ఆసియా కప్ ఫైనల్ మ్యాచ్లో భారత్ వర్సెస్ శ్రీలంక జట్లు తలపడ్డాయి. దసున్ షనక టాస్ గెలిచి బ్యాటింగ్ ఎంచుకున్నాడు. దీని ప్రకారం ఇన్నింగ్స్ ప్రారంభించిన శ్రీలంక జట్టు 16 బంతుల్లో 5 వికెట్లు కోల్పోయింది. ఇలా టీమిండియా పేసర్ మహ్మద్ సిరాజ్ కేవలం 16 బంతుల్లో ఐదు వికెట్లు తీసి సంచలనం సృష్టించాడు.
ఈ మ్యాచ్లో తొలుత బ్యాటింగ్ చేసిన శ్రీలంక జట్టుకు జస్ప్రీత్ బుమ్రా తొలి ఓవర్లోనే షాక్ ఇచ్చాడు. ఆ తర్వాత మియా మ్యాజిక్ మొదలైంది. సిరాజ్ 4వ ఓవర్ తొలి బంతికి పాతుమ్ నిసంక వికెట్ పడగొట్టగా, మూడో బంతికి సదీర సమరవిక్రమ ఎల్బీడబ్ల్యూగా చిక్కుకున్నాడు. నాలుగో బంతికి అసలంకను అవుట్ చేశాడు. ఆరో బంతికి ధనంజయ డిసిల్వా వికెట్ కీపర్కు క్యాచ్ ఇచ్చి నిష్క్రమించాడు.
ఒకే ఓవర్లో 4 వికెట్లు తీసిన సిరాజ్.. 6వ ఓవర్ 4వ బంతికి శ్రీలంక కెప్టెన్ దసున్ షనకను క్లీన్ బౌల్డ్ చేశాడు. దీంతో 4 పరుగులు మాత్రమే ఇచ్చి 5 వికెట్లు తీసి ప్రత్యేక ఫీట్ తన ఖాతాలో వేసుకున్నాడు. అంతే కాకుండా, అతి తక్కువ బంతుల్లో 5 వికెట్లు తీసిన ప్రపంచంలో 2వ బౌలర్గా ప్రపంచ రికార్డు కూడా నెలకొల్పాడు. ఇంతకు ముందు చమిందా వాస్ ఈ ఘనత సాధించాడు.
2003లో బంగ్లాదేశ్పై శ్రీలంక మాజీ పేసర్ చమిందా వాస్ కేవలం 16 బంతుల్లో 5 వికెట్లు పడగొట్టాడు. ఈ ప్రపంచ రికార్డును సమం చేసి మహ్మద్ సిరాజ్ కొత్త చరిత్ర సృష్టించాడు.
ఈ మ్యాచ్లో 7 ఓవర్లు బౌలింగ్ చేసిన మహ్మద్ సిరాజ్ 21 పరుగులు మాత్రమే ఇచ్చి 6 వికెట్లు పడగొట్టాడు. సిరాజ్ ధాటికి తడబడిన శ్రీలంక జట్టు కేవలం 50 పరుగులకే ఆలౌటైంది.
W . W W 4 W! 🥵
Is there any stopping @mdsirajofficial?! 🤯The #TeamIndia bowlers are breathing 🔥
4️⃣ wickets in the over! A comeback on the cards for #SriLanka?Tune-in to #AsiaCupOnStar, LIVE NOW on Star Sports Network#INDvSL #Cricket pic.twitter.com/Lr7jWYzUnR
— Star Sports (@StarSportsIndia) September 17, 2023
51 పరుగుల సులువైన లక్ష్యాన్ని ఛేదించిన టీమిండియా 6.1 ఓవర్లలో 10 వికెట్ల తేడాతో విజయం సాధించింది. ఈ విజయంతో 8వ సారి ఆసియా కప్ను కైవసం చేసుకుంది. ఈ చారిత్రాత్మక విజయంతో ఇది ప్రత్యేక సంవత్సరంగా నిలిచింది.
భారత్ ప్లేయింగ్ 11: రోహిత్ శర్మ (కెప్టెన్), శుభ్మన్ గిల్, విరాట్ కోహ్లీ, కేఎల్ రాహుల్ (వికెట్ కీపర్), ఇషాన్ కిషన్, హార్దిక్ పాండ్యా, రవీంద్ర జడేజా, వాషింగ్టన్ సుందర్, జస్ప్రీత్ బుమ్రా, కుల్దీప్ యాదవ్, మహ్మద్ సిరాజ్.
శ్రీలంక ప్లేయింగ్ 11: పాతుమ్ నిస్సాంక, కుసల్ పెరీరా, కుసల్ మెండిస్ (వికెట్ కీపర్), సదీర సమరవిక్రమ, చరిత్ అసలంక, ధనంజయ డి సిల్వా, దసున్ షనక (కెప్టెన్), దునిత్ వెల్లలే, దుషన్ హేమంత, ప్రమోద్ మదుషన్, మతిష పతిరన.
మరిన్ని క్రీడా వార్తల కోసం ఇక్కడ క్లిక్ చేయండి..