వెండితెర బాట పట్టిన మరో క్రికెటర్.. ఆ సినిమాతోనే ధోని జిగిరీ దోస్త్ ఎంట్రీ
Team India Cricketers: క్రికెటర్లు సినిమాల్లోకి రావడం కొత్తేమీ కాదు. గతంలో కూడా పలువురు ప్రముఖ క్రికెటర్లు వెండితెరపై కనిపించారు. హర్భజన్ సింగ్, ఇర్ఫాన్ పఠాన్ వంటి వారు ఇప్పటికే తమిళ చిత్రాలలో నటించి తమ అదృష్టాన్ని పరీక్షించుకున్నారు. తాాజాగా ధోని క్లోజ్ ఫ్రెండ్ చిన్న తలా కూడా ఈ లిస్ట్లో చేరిపోయాడు.
Suresh Raina: క్రికెట్కు, సినిమా పరిశ్రమకు మధ్య ఉన్న అనుబంధం గురించి కొత్తగా చెప్పనక్కర్లేదు. ఇప్పటికే పలువురు క్రికెటర్లు సినిమా రంగంలోకి అడుగుపెట్టి తమ అదృష్టాన్ని పరీక్షించుకున్నారు. ఇప్పుడు అదే జాబితాలోకి టీమిండియా మాజీ స్టార్ క్రికెటర్, "మిస్టర్ ఐపీఎల్", "చిన్న తలా" వంటి ముద్దుపేర్లతో అభిమానుల మనసుల్లో చెరగని ముద్ర వేసిన సురేష్ రైనా చేరబోతున్నాడు. అతను ఓ తమిళ సినిమాతో వెండితెరపై అరంగేట్రం చేయనున్నట్లు వార్తలు వెలువడుతున్నాయి.
సురేష్ రైనా చెన్నై సూపర్ కింగ్స్ (CSK) జట్టు తరపున ఐపీఎల్లో ఆడి దక్షిణాదిలో, ముఖ్యంగా తమిళనాడులో విశేషమైన ప్రజాదరణ పొందాడు. "చిన్న తలా" అనే పేరుతో చెన్నై అభిమానులు అతన్ని సొంత మనిషిగా భావిస్తారు. ఈ నేపథ్యంలో తమిళ సినిమాతో రైనా సినీ రంగ ప్రవేశం చేయడం పట్ల అభిమానులు ఆనందం వ్యక్తం చేస్తున్నారు.
ఈ సినిమా క్రికెట్ నేపథ్యంతో కూడిన చిత్రమని తెలుస్తోంది. అయితే, ఇందులో రైనా పూర్తిస్థాయి పాత్రలో నటిస్తాడా, లేదా అతిథి పాత్రలో మెరుస్తాడా అనేది ఇంకా స్పష్టంగా తెలియరాలేదు. దీనిపై అధికారిక ప్రకటన వెలువడాల్సి ఉంది. అయినప్పటికీ, రైనా అభిమానులు మాత్రం తమ ఆరాధ్య క్రికెటర్ను వెండితెరపై చూడాలని ఉత్సాహంగా ఎదురుచూస్తున్నారు.
క్రికెటర్లు సినిమాల్లోకి రావడం కొత్తేమీ కాదు. గతంలో కూడా పలువురు ప్రముఖ క్రికెటర్లు వెండితెరపై కనిపించారు. హర్భజన్ సింగ్, ఇర్ఫాన్ పఠాన్ వంటి వారు ఇప్పటికే తమిళ చిత్రాలలో నటించి తమ అదృష్టాన్ని పరీక్షించుకున్నారు. ఇప్పుడు సురేష్ రైనా కూడా అదే బాటలో నడుస్తూ సినిమా పరిశ్రమలో తన ముద్ర వేయడానికి సిద్ధమవుతున్నాడు.
సురేష్ రైనా తన క్రికెట్ కెరీర్లో ఎన్నో అద్భుతమైన ఇన్నింగ్స్లు ఆడాడు. దూకుడు బ్యాటింగ్, మెరుపు ఫీల్డింగ్తో క్రికెట్ అభిమానులను ఉర్రూతలూగించాడు. ఇప్పుడు సినిమా రంగంలో కూడా అదే విజయాలను అందుకుంటాడని ఆశిద్దాం. అతని నటనా ప్రస్థానం విజయవంతం కావాలని కోరుకుందాం.