Shubman Gill : ఆసియా కప్ ముందు భారత వైస్ కెప్టెన్కు షాక్.. టోర్నమెంట్ నుంచి ఔట్!
ఆసియా కప్ 2025కు ముందు భారత జట్టు వైస్ కెప్టెన్ శుభ్మన్ గిల్కు అనారోగ్యం కలిగింది. అతనికి వైరల్ ఫీవర్ వచ్చింది. ఈ కారణంగా అతను దులీప్ ట్రోఫీ నుంచి తప్పుకున్నాడు. ఏసియా కప్ సెప్టెంబర్ 9 నుంచి 28 వరకు యూఏఈలో జరుగుతుంది.
Updated on: Aug 28, 2025 | 1:27 PM
Shubman Gill : ఆసియా కప్ 2025 ప్రారంభానికి ముందు భారత జట్టు వైస్ కెప్టెన్ శుభమన్ గిల్ (Shubman Gill) అస్వస్థతకు గురయ్యాడు. అతనికి వైరల్ ఫీవర్ వచ్చినట్లు సమాచారం. ఈ నెల సెప్టెంబర్ 9 నుంచి 28 వరకు యూఏఈలో ఆసియా కప్ జరగనుంది. భారత్ తన తొలి మ్యాచ్ను సెప్టెంబర్ 10న యూఏఈతో ఆడనుంది. ఆ తర్వాత సెప్టెంబర్ 14న పాకిస్తాన్తో తలపడుతుంది. అయితే, గిల్ ఆసియా కప్కు ముందు కోలుకుంటాడని భావిస్తున్నారు.
దలీప్ ట్రోఫీ నుంచి గిల్ ఔట్
వైరల్ ఫీవర్ కారణంగా శుభమన్ గిల్ దులీప్ ట్రోఫీ నుంచి తప్పుకున్నాడు. దులీప్ ట్రోఫీలో నార్త్ జోన్ జట్టుకు గిల్ కెప్టెన్గా ఎంపికయ్యాడు. కానీ, అనారోగ్యం కారణంగా అతను ఈ టోర్నమెంట్ నుంచి తప్పుకోవాల్సి వచ్చింది. గిల్ స్థానంలో ఇప్పుడు అంకిత్ కుమార్ నార్త్ జోన్ కెప్టెన్గా వ్యవహరించనున్నాడు. టైమ్స్ ఆఫ్ ఇండియా నివేదిక ప్రకారం.. గిల్ ప్రస్తుతం కోలుకుంటున్నాడు. అతని బ్లడ్ టెస్ట్ రిపోర్టులో కూడా పెద్దగా సమస్యలేవీ లేవు. త్వరలోనే అతను ప్రాక్టీస్ మొదలు పెడతాడని ఆశిస్తున్నారు.
ఆసియా కప్లో గిల్ వైస్ కెప్టెన్
శుభమన్ గిల్ త్వరలోనే పూర్తిగా కోలుకుని ప్రాక్టీస్ మొదలుపెడతాడు. అతను ఆసియా కప్లో భారత జట్టు వైస్ కెప్టెన్గా ఉన్నాడు. ఈసారి ఆసియా కప్ టీ20 ఫార్మాట్లో జరుగుతుంది. భవిష్యత్తులో గిల్ను టీ20 కెప్టెన్గా కూడా నియమించవచ్చని బీసీసీఐ భావిస్తున్నట్లు సమాచారం. ప్రస్తుతం సూర్యకుమార్ యాదవ్ భారత టీ20 జట్టుకు కెప్టెన్గా ఉన్నాడు.
గాయం కారణంగా రిషభ్ పంత్ ఆసియా కప్లో ఆడటం లేదు. జట్టులో వికెట్ కీపర్లుగా సంజు శాంసన్, జితేష్ శర్మ సెలక్ట్ అయ్యాడు. ఫాస్ట్ బౌలర్ జస్ప్రీత్ బుమ్రా కూడా జట్టులో ఉన్నాడు. ఆసియా కప్లో భారత్ గ్రూప్ Aలో ఉంది. ఈ గ్రూప్లో పాకిస్తాన్, యూఏఈ, ఒమన్ కూడా ఉన్నాయి. గ్రూప్ Bలో బంగ్లాదేశ్, శ్రీలంక, హాంగ్ కాంగ్, అఫ్గానిస్తాన్ ఉన్నాయి.
ఆసియా కప్ కోసం భారత జట్టు
సూర్యకుమార్ యాదవ్ (కెప్టెన్), శుభమన్ గిల్ (వైస్ కెప్టెన్), అభిషేక్ శర్మ, తిలక్ వర్మ, హార్దిక్ పాండ్యా, శివం దూబే, అక్షర్ పటేల్, జితేష్ శర్మ (వికెట్ కీపర్), జస్ప్రీత్ బుమ్రా, అర్షదీప్ సింగ్, వరుణ్ చక్రవర్తి, కుల్దీప్ యాదవ్, సంజు శాంసన్ (వికెట్ కీపర్), హర్షిత్ రాణా, రింకూ సింగ్.
మరిన్ని క్రీడా వార్తల కోసం ఇక్కడ క్లిక్ చేయండి..
