ICC ODI Rankings: ఐసీసీలో టీమిండియా ఆటగాళ్లదే హవా.. అగ్రస్థానంలో పాక్ ప్లేయర్..
ICC ODI Rankings: ఐసిసి విడుదల చేసిన కొత్త వన్డే ర్యాంకింగ్స్ జాబితాలో టీమిండియాకు చెందిన ఆరుగురు ఆటగాళ్లు కనిపించారు. ఇక్కడ, టాప్-10 జాబితాలో ముగ్గురు బ్యాటర్లు కనిపించగా, మరో ముగ్గురు బౌలర్ల విభాగంలో టాప్ టెన్‌లో ఉన్నారు.
ICC ODI Rankings: ఐసీసీ వన్డే ర్యాంకింగ్ జాబితాను ప్రకటించింది. వన్డే బ్యాట్స్‌మెన్ ర్యాంకింగ్స్‌లో పాకిస్థాన్ మాజీ కెప్టెన్ బాబర్ అజామ్ అగ్రస్థానంలో నిలిచాడు. అలాగే, ఈ జాబితాలో టీమిండియాకు చెందిన ముగ్గురు స్ట్రైకర్లు కూడా ఉన్నారు.
ఇక్కడ బాబర్ ఆజం 825 పాయింట్లతో అగ్రస్థానంలో ఉండగా, రోహిత్ శర్మ 765 పాయింట్లతో రెండో స్థానంలో ఉన్నాడు. అలాగే శుభ్‌మన్ గిల్ 763 పాయింట్లతో మూడో స్థానంలో ఉండగా, విరాట్ కోహ్లీ 746 పాయింట్లతో నాలుగో స్థానంలో కొనసాగుతున్నాడు.
ఇక బౌలింగ్ విభాగంలో టీమిండియాకు చెందిన ముగ్గురు బౌలర్లు టాప్ టెన్‌లో చోటు దక్కించుకున్నారు. ఈ జాబితాలో పాకిస్థాన్‌కు చెందిన లెఫ్టార్మ్ పేసర్ షాహీన్ షా ఆఫ్రిది అగ్రస్థానంలో నిలిచాడు.
696 పాయింట్లతో షాహీన్ షా అఫ్రిది మొదటి స్థానంలో, 687 పాయింట్లతో అఫ్గానిస్థాన్ ఆటగాడు రషీద్ ఖాన్ రెండో స్థానంలో ఉన్నారు. దక్షిణాఫ్రికాకు చెందిన కేశవ్ మహరాజ్ (674), భారత్‌కు చెందిన కుల్దీప్ యాదవ్ (665) తర్వాతి స్థానాల్లో ఉన్నారు.
అలాగే, ఈ జాబితాలో టీమిండియా పేసర్లు జస్ప్రీత్ బుమ్రా 645 పాయింట్లతో 6వ స్థానంలో ఉండగా, మహ్మద్ సిరాజ్ 643 పాయింట్లతో 8వ స్థానంలో కొనసాగుతున్నాడు.
వన్డే ఆల్‌రౌండర్ల జాబితాలో ఆఫ్ఘనిస్థాన్‌కు చెందిన మహ్మద్ నబీ అగ్రస్థానంలో ఉన్నాడు. మొత్తం 318 పాయింట్లతో నబీ అగ్రస్థానంలో ఉండగా, జింబాబ్వేకు చెందిన సికందర్ రజా (288) రెండో స్థానంలో నిలిచాడు. అలాగే, ఈ జాబితాలో ఆఫ్ఘన్ ఆల్ రౌండర్ రషీద్ ఖాన్ (254) మూడో స్థానంలో నిలిచాడు. అయితే టాప్-10 జాబితాలో టీమ్ ఇండియా ఆల్ రౌండర్ ఎవరూ చోటు దక్కించుకోలేదు.
మరిన్ని క్రీడా వార్తల కోసం ఇక్కడ క్లిక్ చేయండి..