MS Dhoni: కూల్‌ కెప్టెన్‌ని కలిసిన ‘మిస్టర్ డిపెండబుల్’.. నెట్టింట వైరల్ అవుతున్న ఫోటోలు.. క్యాప్షన్ చూస్తే కిర్రాక్ అంతే..
MS Dhoni: టీమిండియా మాజీ కెప్టెన్, చెన్నై సూప‌ర్ కింగ్స్‌ సారథి మ‌హేంద్ర సింగ్ ధోనీ మోకాలి సర్జరీ చేయించుకున్న సంగతి తెలిసిందే. నాలుగు రోజుల క్రితం ఆపరేషన్ జరగ్గా.. అప్పటినుంచి ధోని ముంబైలోనే ఉన్నాడు. ఇక ఈ రోజు తన ఇంటికి..
MS Dhoni: టీమిండియా మాజీ కెప్టెన్, చెన్నై సూప‌ర్ కింగ్స్‌ సారథి మ‌హేంద్ర సింగ్ ధోనీ మోకాలి సర్జరీ చేయించుకున్న సంగతి తెలిసిందే. నాలుగు రోజుల క్రితం ఆపరేషన్ జరగ్గా.. అప్పటినుంచి ధోని ముంబైలోనే ఉన్నాడు. ఇక ఈ రోజు(సోమవారం) తన ఇంటికి బయలు దేరిన ధోనికి ముంబై ఎయిర్‌పోర్ట్‌లో తన చిరకాల మిత్రుడు కలిశాడు. ఫ్యామిలీతో సహా ముంబై నుంచి రాంచీకి బయలుదేరిన వెళ్తున్న ధోనిని టీమిండియా మాజీ క్రికెటర్ మ‌హ‌మ్మ‌ద్ కైఫ్ కలిశాడు. ఈ సందర్భంగా ధోని ఫ్యామిలీతో, ఇంకా తన కొడుకుతో కలిసి కైఫ్ ఫోటోలు దిగాడు.
అయితే కైఫ్ ఆ ఫోటోలను నెట్టింట పోస్ట్ చేయగా.. అవి కాస్త ఇప్పుడు వైరల్‌గా మారాయి. ఇంకా కైఫ్ తన పోస్ట్‌కి ‘ ముంబైలో సర్జరీ ముగిసిన తర్వాత ఇంటికి తిరిగి వెళ్తున్న ధోనిని, అతని కుటుంబాన్ని మేము కలుసుకున్నాము. తన చిన్నప్పుడు తాను కూడా ఓ ఫుట్‌బాల్ ప్లేయర్‌నేనని ధోని చెప్పడంతో మా అబ్బాయి కబీర్ చాలా సంతోషంగా ఉన్నాడు. త్వరగా కోలుకోండి, తదుపరి సీజన్‌లో ఛాంపియన్‌గా చూస్తా’ అంటూ క్యాప్షన్ రాసుకొచ్చాడు.
We met the great man and his family at airport today. He was returning home after surgery. Son Kabir super happy as Dhoni told him he too, like him, played football as a kid. Get well soon, see you next season champion.@msdhoni pic.twitter.com/ZVoKjxhudu
— Mohammad Kaif (@MohammadKaif) June 5, 2023
కాగా, ధోని సారథ్యంలో కూడా మహ్మద్ కైఫ్ టీమిండియా తరఫున ఎన్నో మ్యాచ్‌లను ఆడాడు. ముఖ్యంగా టీమిండియా ఫీల్డింగ్ సమయంలో ధోని, కైఫ్ మధ్య సమన్వయం క్రికెట్ అభిమానులు ఇప్పటికీ మరిచిపోలేరు. ఆ సమయంలో వారి ఇద్దరి మధ్య ఉన్న సత్సంబంధం ఈ రోజు ఇలా మరోసారి బయటపడింది. మరోవైపు కారు ప్రమాదంలో గాయపడిన రిషభ్ పంత్‌కి ఆపరేషన్ చేసిన కోకిలాబెన్ హాస్పిటల్ డాక్ట‌ర్ దిన్‌షా పండివాలానే ధోనికి కూడా సర్జరీ చేశారు.
మరిన్ని క్రీడా వార్తల కోసం ఇక్కడ క్లిక్ చేయండి..