T20 Cricket Record: వీళ్లు బ్యాటింగ్ చేస్తుంటే గ్యాప్ ఇవ్వొద్దు భయ్యో.. లేదంటే బాల్ బౌండరీ అవతలే

T20 Cricket Record:టీ20 క్రికెట్‌లో భారత ఆటగాళ్ళు తమ మెరుపు బ్యాటింగ్‌తో ప్రపంచవ్యాప్తంగా ప్రత్యేక గుర్తింపు పొందారు. రోహిత్ శర్మ నుంచి శ్రేయస్ అయ్యర్ వరకు, భారత బ్యాట్స్‌మెన్లు సిక్సర్ల వర్షం కురిపించి ప్రత్యర్థి జట్లకు వెన్నులో వణుకు పుట్టించారు. ఈ నేపథ్యంలో టీ20 క్రికెట్‌లో అత్యధిక సిక్స్‌లు కొట్టిన భారత బ్యాట్స్‌మెన్ ఎవరో ఈ కథనంలో తెలుసుకుందాం. ఈ లిస్టులో కొంతమంది పేర్లు చదవి షాక్ అవ్వడం ఖాయం.

టీ20లో అత్యధిక సిక్స్‌లు కొట్టిన భారత బ్యాట్స్‌మెన్లు 

1. రోహిత్ శర్మ

భారత కెప్టెన్ రోహిత్ శర్మ టీ20 క్రికెట్‌లో అత్యధిక సిక్స్‌లు కొట్టిన ఆటగాడు. ఇప్పటివరకు 463 మ్యాచ్‌లలో 1110 సిక్స్‌లు కొట్టాడు. 2007 నుంచి కొనసాగుతున్న అతని ఈ ఫీట్, అతన్ని టీ20 క్రికెట్‌లో అత్యంత డేంజరస్ సిక్సర్ల కింగ్‌గా నిలబెట్టింది.

2. విరాట్ కోహ్లీ

విరాట్ కోహ్లీ తన టెక్నికల్ స్కిల్స్, రన్ మెషీన్‌ ఇమేజ్‌తో పేరుపొందాడు. కానీ టీ20లో సిక్సర్‌ల రికార్డు కూడా చాలా గొప్పది. అతను 414 మ్యాచ్‌లలో 435 సిక్స్‌లు కొట్టాడు.

3. సూర్యకుమార్ యాదవ్

సూర్యకుమార్ యాదవ్ తన దూకుడైన బ్యాటింగ్‌తో ప్రపంచంలోనే అత్యంత డేంజరస్ టీ20 బ్యాట్స్‌మెన్‌గా నిలిచాడు. అతను 325 మ్యాచ్‌లలో 380 సిక్స్‌లు కొట్టి, తన 360-డిగ్రీ షాట్‌లతో పేరుపొందాడు.

4. సంజు శాంసన్

సంజు శాంసన్ 2011 నుంచి ఇప్పటివరకు ఆడిన 304 మ్యాచ్‌లలో 350 సిక్స్‌లు కొట్టాడు. అతని బ్యాటింగ్‌లో బలం, స్థిరత్వం రెండూ కనిపిస్తాయి.

5. ఎం.ఎస్. ధోని

భారత మాజీ కెప్టెన్ మహేంద్ర సింగ్ ధోని తన కెప్టెన్సీతో పాటు, సిక్సర్లతో కూడా జట్టుకు చాలా సేవలు అందించాడు. అతను 405 మ్యాచ్‌లలో 350 సిక్స్‌లు కొట్టాడు. కష్టమైన పరిస్థితుల్లో చివరి బంతులలో సిక్స్ కొట్టి జట్టుకు విజయాలను అందించాడు.

6. కేఎల్ రాహుల్

కేఎల్ రాహుల్ తన టైమింగ్, క్లాసిక్ షాట్స్‌కు ప్రసిద్ధి. అతను 239 మ్యాచ్‌లలో 332 సిక్స్‌లు కొట్టి, భారత జట్టు బ్యాటింగ్ లైనప్‌ను బలోపేతం చేశాడు.

7. సురేశ్ రైనా

సురేశ్ రైనా భారత క్రికెట్‌లో తొలి టీ20 స్టార్. అతను 2006 నుంచి 2021 వరకు ఆడిన 336 మ్యాచ్‌లలో 325 సిక్స్‌లు కొట్టి భారత్‌కు అనేక ముఖ్యమైన మ్యాచ్‌లలో విజయాన్ని అందించాడు.

8. హార్దిక్ పాండ్యా

హార్దిక్ పాండ్యా తన పవర్ హిట్టింగ్‌కు ప్రసిద్ధి. అతను 302 మ్యాచ్‌లలో 298 సిక్స్‌లు కొట్టి, టీమిండియాకు కీలక ఆల్‌రౌండర్‌గా నిలిచాడు.

9. శ్రేయస్ అయ్యర్

2014 నుంచి ఇప్పటివరకు ఆడిన 240 మ్యాచ్‌లలో శ్రేయస్ అయ్యర్ 286 సిక్స్‌లు కొట్టాడు. అతని బ్యాటింగ్‌లో బలం, స్థిరత్వం రెండూ ఉన్నాయి.

మరిన్ని క్రికెట్‌ వార్తల కోసం ఇక్కడ క్లిక్‌ చేయండి..