సిరాజ్‌కు వాచ్‌లంటే పిచ్చి ఇష్టం..! కోట్లు విలువ చేసే వాచ్‌లు ఎన్ని ఉన్నాయంటే..?

మొహమ్మద్ సిరాజ్ తన అద్భుతమైన క్రికెట్ ప్రతిభతో ప్రపంచ వ్యాప్తంగా అభిమానులను సంపాదించుకున్నాడు. అతని విలాసవంతమైన జీవితశైలిలో భాగంగా, కోట్ల రూపాయల విలువైన లగ్జరీ వాచ్‌లను సేకరించడం అతనికి ఎంతో ఇష్టం. ఈ ఆర్టికల్‌లో సిరాజ్‌ వద్ద ఉన్న రోలెక్స్, హబ్లాట్ వంటి బ్రాండ్లకు చెందిన ఖరీదైన వాచ్‌ల గురించి తెలుసుకుందాం.

Siraj Watch

SN Pasha |
Updated on: Aug 07, 2025 | 10:18 PM

భారత క్రికెటర్ మొహమ్మద్ సిరాజ్ ప్రస్తుతం టాక్‌ ఆఫ్‌ ది క్రికెట్‌ టౌన్‌గా మారిపోయాడు. ఇంగ్లాండ్‌తో ఐదు టెస్టుల సిరీస్‌లో అద్భుత ప్రదర్శన, పోరాట పటిమ, నిర్విరామ ఆటతో హీరో అయ్యాడు. ఇంగ్లాండ్‌తో జరిగిన టెస్ట్ సిరీస్‌లో బర్మింగ్‌హామ్‌లో ఆరు వికెట్లు, ది ఓవల్‌లో ఐదు వికెట్ల హాల్‌ సాధించి మంచి జోష్‌లో ఉన్నాడు. తాజాగా ఐసిసి టెస్ట్ ర్యాంకింగ్స్‌లో కెరీర్‌లో అత్యుత్తమంగా 15వ స్థానాన్ని సంపాదించాడు.

సిరాజ్‌ పేద కుటుంబం నుంచి ఈ స్థాయికి వచ్చాడు. ఒక ఆటో డ్రైవర్‌ కొడుకు ఈ రోజు టీమిండియాకు హీరో అయ్యాడు. అలాంటి సిరాజ్‌కు వాచ్‌లంటే చాలా ఇష్టం. అతని వద్ద బోలెడన్ని వాచ్‌లు ఉన్నాయి. అందులో కొన్ని చాలా విలువైనవి.. అంటే కోట్లు విలువ చేసే ఖరీదైన వాచ్‌లు ఉన్నాయి. సిరాజ్‌ వాచ్‌ కలెక్షన్‌పై ఓ లుక్కేస్తే..

రోలెక్స్ డేటోనా రెయిన్బో: రూ.3 నుండి 4 కోట్ల మధ్య ధర
రోలెక్స్ డేటోనా ప్లాటినం: రూ. 1.01 కోట్లు
రోలెక్స్ GMT మాస్టర్: రూ.10.40 లక్షలు
హబ్లాట్ బిగ్ బ్యాంగ్ రోజ్ గోల్డ్: రూ.29.49 లక్షలు
ఆడెమర్స్ పిగ్యుట్ రాయల్ ఓక్ ఆఫ్‌షోర్ క్రోనోగ్రాఫ్: రూ.27.47 లక్షలు
ట్యాగ్ హ్యూయర్ అక్వేరాసర్ క్వార్ట్జ్ స్టెయిన్‌లెస్ స్టీల్: రూ.1.31 లక్షలు
కాసియో వాచ్ (కెరీర్ ప్రారంభంలో కొనుగోలు): రూ.21,995

తన తొలినాళ్లలో నిరాడంబరమైన కాసియో నుండి కోట్లాది రూపాయల విలువైన రోలెక్స్, హబ్లాట్ టైమ్‌పీస్‌ల వరకు సిరాజ్ వాచ్ గేమ్ అతని బౌలింగ్ లాగానే వేగవంతమైనది. సిరాజ్ లగ్జరీ వాచ్ కలెక్షన్ మొత్తం అంచనా విలువ: రూ.5.68 కోట్లు (సుమారుగా).