ఆమెకు 11.. అతడికి 13.. లవ్ ఎట్ ఫస్ట్ సైట్.. ఈ మాజీ SRH ప్లేయర్ ప్రేమకథ చూస్తే అవాక్.!

ఆమెకు 11.. అతడికి 13.. అవును.! వారిద్దరికీ లవ్ ఎట్ ఫస్ట్ సైట్ అప్పుడే కలిగింది. మొదట అది స్నేహంగా మారింది. ఆ తర్వాత చిన్ననాటి స్నేహం ప్రేమగా మారి.. పెళ్లి దశకు చేరింది. IPL 2025లో RCB తరపున బరిలోకి దిగిన ఫాస్ట్ బౌలర్ భువనేశ్వర్ కుమార్ ఇటీవల ఇచ్చిన ఓ ఇంటర్వ్యూలో తన ప్రేమకథను పంచుకున్నాడు. తన భార్య నూపూర్‌తో లవ్ స్టోరీలో ఎలా స్టార్ట్ అయిందో వివరంగా తెలిపాడు.

భువనేశ్వర్ కుమార్ స్వస్థలం మీరట్. అతనికి అక్కడ సొంత ఇల్లు ఉంది. ఇక అతడి భార్య నూపూర్ స్వస్థలం డెహ్రాడూన్. ఆమె తండ్రికి అక్కడ నుంచి మీరట్‌కు బదిలీ అయింది. మీరట్‌లో భువనేశ్వర్ ఇంట్లో అద్దెకు ఉన్నారు. అలా భువనేశ్వర్, నూపూర్ ఇద్దరూ మొదటిసారి కలుసుకున్నారు. ఆ సమయంలో నూపూర్ వయస్సు 11.. భువనేశ్వర్ కుమార్ వయస్సు 13 సంవత్సరాలు. చిన్ననాటి నుంచి వారి మధ్య ఉన్న స్నేహం.. ఆ తర్వాత ప్రేమగా మారింది. అలాగే భువికి కూడా ఆ సమయంలో బౌలింగ్‌పై మరింత మక్కువ ఎక్కువైంది. నూపూర్ కుటుంబం ఎక్కువకాలం భువనేశ్వర్ ఇంట్లోనే అద్దెకు ఉన్నారు. ఆ తర్వాత వారి ఇంటికి కేవలం రెండు నిమిషాల దూరంలోనే సొంత ఇంటిని నిర్మించుకున్నారు నూపూర్ తండ్రి. అయితేనేం ఆ తర్వాత అతని కుమార్తె నూపూర్.. వాళ్లు అద్దెకు ఉన్న ఇంటి యజమాని కొడుకు భువనేశ్వర్ కుమార్‌ను పెళ్లాడింది.

View this post on Instagram

A post shared by Ranveer Allahbadia (@ranveerallahbadia)