ఓటమి ఎఫెక్ట్.. 5వ వన్డే నుంచి ఆ ఇద్దరు ఔట్.. డేంజరస్ ప్లేయర్ల ఎంట్రీ.. టీమిండియా ప్లేయింగ్ 11 ఇదిగో..!

Ind Vs Nz 5th Odi Playing Xi

India vs New Zealand 5th ODI: న్యూజిలాండ్‌తో జరిగిన నాలుగో వన్డే మ్యాచ్‌లో భారత్ ఘోర పరాజయం పాలైన విషయం తెలిసిందే. 334 పరుగుల భారీ లక్ష్యంతో బరిలోకి దిగిన టీమిండియా కేవలం 89 పరుగులకే ఆలౌట్ అయింది. బ్యాటింగ్, బౌలింగ్, ఫీల్డింగ్, కెప్టెన్సీ – అన్ని విధాలుగానూ విఫలమైన టీమిండియా దారుణమైన ఓటమిని చవిచూసింది. అదనపు స్పిన్నర్ తీసుకోవడం కూడా టీమిండియా వైఫల్యానికి ఒక కారణంగా మారింది. ముఖ్యంగా బ్యాటింగ్‌లో టాప్ ఆర్డర్ మొత్తం విఫలమవడం, కెప్టెన్‌గా, బ్యాటర్‌గా శ్రేయస్ అయ్యర్ విఫలమవడంతో టీమిండియా అతి భారీ ఓటమిని చవిచూసింది. ఈ ఓటమితో సిరీస్ మూడు సున్నాతో సులువుగా గెలుస్తుందనుకున్న అంచనాలు తలకిందులయ్యాయి.

ఈ ఐదు వన్డేల సిరీస్‌లో ఇప్పటికే భారత్ రెండు మ్యాచ్‌లు గెలిచి, ఒక మ్యాచ్ వర్షం కారణంగా రద్దు కావడంతో, నాలుగో వన్డే 244 పరుగుల భారీ తేడాతో ఓడిపోవడం సమీకరణాలను 2-1కు మార్చింది. ఇక టీమిండియా సిరీస్ గెలవాలంటే తప్పనిసరిగా చివరి మ్యాచ్‌లో గెలవాల్సిన పరిస్థితి. సిరీస్ ఓడిపోయే పరిస్థితి లేనప్పటికీ, గెలిచే అవకాశాన్ని కోల్పోయే ప్రమాదం ఉంది. చివరి మ్యాచ్‌లో ఓడిపోతే సిరీస్ 2-2తో సమం అవుతుంది. ఈ నేపథ్యంలో టీమిండియా చివరి వన్డేలో రెండు కీలక మార్పులు చోటుచేసుకునే అవకాశం ఉంది.

ఎక్కువమంది చదివినది: IND vs NZ 5th ODI: ఫ్యాన్స్‌కు గుడ్‌న్యూస్.. హమ్మయ్య చివరి వన్డే ఇక మనదే.. ఆ దరిద్రం పోయిందిగా..!

మూడు వన్డేల్లోనూ అక్షర్ పటేల్ అద్భుతంగా బౌలింగ్ చేశాడు. కానీ నాలుగో వన్డేలో కుల్దీప్ యాదవ్‌కు అవకాశం కల్పించినా, దారుణమైన బౌలింగ్ ప్రదర్శన చేశాడు. తాను వేసిన ఎనిమిది ఓవర్లలో ఏకంగా 73 పరుగులు ఇచ్చి ఒక్క వికెట్ కూడా తీయలేకపోయాడు. దీంతో అతన్ని చివరి, ఐదో వన్డేకు తప్పించే అవకాశం ఉంది. అతని స్థానంలో మరో ఫాస్ట్ బౌలర్‌ను ఎంపిక చేయనున్నారు. అదే క్రమంలో గుర్నూర్ బార్‌ను తప్పించినా ఆశ్చర్యపోనక్కర్లేదు. తాను కూడా ఏకంగా పది ఓవర్లలో 69 పరుగులు ఇచ్చాడు. అయితే రెండు వికెట్లు తీసినప్పటికీ, న్యూజిలాండ్ బ్యాటర్‌తో వివాదం అతనిపై ఐసిసి వేటు వేసే ముందే తుది జట్టు నుంచి అతన్ని తప్పించే అవకాశం ఉంది.

దీంతో కుల్దీప్ యాదవ్ స్థానంలో ఎస్. ఠాకూర్, గుర్నూర్ బార్ స్థానంలో మహమ్మద్ సిరాజ్ తుది జట్టుకు ఎంపికయ్యే అవకాశం ఉంది. మొత్తంగా ఈ రెండు మార్పులతో ఈ ఐదో, చివరి వన్డే మ్యాచ్‌లో టీమిండియా బరిలోకి దిగే అవకాశాలు కనిపిస్తున్నాయి. ఏదేమైనా, సిరీస్ దక్కించుకోవాలంటే ఖచ్చితంగా బ్యాటింగ్‌లోనూ, బౌలింగ్‌లోనూ రాణించాల్సి ఉంది. ముఖ్యంగా కెప్టెన్సీలో మెరుగైన వ్యూహాలు రచిస్తేనే ఏడేళ్ల తర్వాత టీమిండియా న్యూజిలాండ్‌లో సిరీస్ కైవసం చేసుకునే అవకాశం దక్కుతుంది.

ఎక్కువమంది చదివినది: Year Ender 2026: 11 సిక్సర్లు, 9 ఫోర్లు.. 30 బంతుల్లో విధ్వంసకర సెంచరీ.. రోహిత్ రికార్డును చెరిపేసిన అభిషేక్ శర్మ..!

మొత్తంగా, అంచనా ప్రకారం టీమ్ ఇండియా తుది జట్టు ఇలా ఉండే అవకాశం ఉంది: రోహిత్ శర్మ, ఇషాన్ కిషన్, విరాట్ కోహ్లీ, శ్రేయస్ అయ్యర్, రుతురాజ్ గైక్వాడ్, అక్షర్ పటేల్, నమన్దీర్, అర్షదీప్ సింగ్, మహమ్మద్ సిరాజ్, ఎస్. ఠాకూర్, ఆకిబ్ నబీ.